Êsai 49:17 - Nau Brah Ndu Ngơi 2023

¹⁷ Phung kon may ngăch plơ̆ sĭt; Phung ƀư mhĭk, ƀư rai may mra du bơh may.

Êsai 49:17 ပူးပေါင်းရင်းမြစ်များ

Êsra 1:5

Rnôk nây, phung kôranh ƀon Yuđa jêh ri phung Benjamin, phung kôranh ƀư brah, jêh ri phung Lêvi, ndrel ma lĕ rngôch bunuyh Brah Ndu hŏ nsŭk nsôr tâm nuih n'hâm ŭch hăn hao ndâk njêng đŏng ngih brah Brah Yêhôva ta ƀon Yêrusalem, hŏ ndrăp hăn.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nau Mprơ Ơm 137:3

Yorlah ta nây phung nhŭp hên ƀư jêng bu nă Đă hên mprơ; Phung tŭn jot hên đă hên mprơ ma nau hâk răm; Khân păng lah: “Mprơ hom ma hên du nau mprơ bơh Siôn!”

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 37:18

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Êsêkiêl 28:24

Ngih Israel mâu hôm geh tôt lok nau djơh mâu lah lok mplanh ƀư ji đŏng ôh, nây jêng lĕ bri dak chiau meng ơm ƀư đah păng ma nau mưch rmot. Rnôk nây, khân păng mra gĭt Gâp jêng Kôranh Brah Yêhôva.’”

Êsêkiêl 36:10

Ta klơ neh khân may, Gâp mra ntop ăn bĭk rơ̆ bunuyh lĕ rngôch ngih Israel. Lĕ rngôch ƀon toyh mra geh bunuyh gŭ, lĕ rngôch ntŭk lĕ rlâm rai nchah mra rdâk njêng tay đŏng.