Êsai 49:15 - Nau Brah Ndu Ngơi 2023

¹⁵ “Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 49:15 ပူးပေါင်းရင်းမြစ်များ

Ndrom Samƀŭt bơh Yôp 24:20

Nuih n'hâm mê̆ mra chuêl khân păng; Phung rhai sa khân păng kah ngăn; Mâu hôm geh ôh bunuyh kah gĭt ma khân păng; Nau djơh mhĭk mra nkê̆ch pă nâm bu du tơm si kro.

Nau Mprơ Ơm 103:13

Brah Yêhôva yô̆ nđach phung klach yơk ma Păng, Nâm bu mbơ̆ yô̆ nđach ma kon păng.

Nau Mprơ Ơm 27:10

Tơlah me mbơ̆ chalơi gâp Pôri Brah Yêhôva mra rom gâp.

Nau Mprơ Ơm 77:9

Brah Ndu chuêl nau ƀư ueh lĕ? Tâm nau ji nuih, Păng nchăng nâp lơi nau vay yô̆ nđach lĕ?” (Sêla)

Nau Hôr 31:2

Hơi kon gâp! Hơi kon bơh ndŭl proch gâp hŏ ntreo! Hơi kon bơh nau gâp mbơh sơm dăn! Moh nau gâp mra ngơi đah may?

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 44:21

Ơ phung Yakôb, ăn khân may kah gĭt hom ma nau aơ! Ơ phung Israel, yorlah may jêng phung oh mon Gâp. Gâp njêng jêh may, may jêng oh mon Gâp; Ơ phung Israel, Gâp mâu mra chuêl may ôh.

Êsai 49:14

Ƀiălah ƀon Siôn hŏ ăp lah pô aơ: “Brah Yêhôva hŏ dun jêh gâp; Kôranh Brah gâp chuêl jêh gâp.”

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Nau Nhĭm Vơl 4:10

Bar ti mê̆ bêng ma nuih n'hâm yô̆ klâng ngăn, Hôm gâm puăch kon păng nơm; Njêng khân păng jêng ndơ sông sa Tâm nôk bu jot plên phung bu ur ƀon lan gâp.

Nau Nhĭm Vơl 4:3

Rlau ma nĕ phung so bri Hôm e ăn toh ma kon pu, Ƀiălah kon bu ur phung ƀon lan gâp janh ngăn, Nâm bu sĭm klang kŭk tâm bri rdah.

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Kan Lêvi 26:29

Khân may mra sa puăch kon bu klâu kon bu ur khân may nơm;

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Samƀŭt Pôl Njuăl Ăn Ma Phung Nsing Ta Ƀon Rôm 1:31

rluk mâl, mâu gŭ răp jăp, mâu geh nuih n'hâm rŏng, mâu geh nuih n'hâm yô̆ nđach.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.