Êsai 49:14 - Nau Brah Ndu Ngơi 2023

¹⁴ Ƀiălah ƀon Siôn hŏ ăp lah pô aơ: “Brah Yêhôva hŏ dun jêh gâp; Kôranh Brah gâp chuêl jêh gâp.”

Êsai 49:14 ပူးပေါင်းရင်းမြစ်များ

Nau Mprơ Ơm 13:1

Hơi Brah Yêhôva! Ndah jŏ dĭng ƀaƀơ nau May chuêl? May pôn măt ma gâp ndah jŏ?

Nau Mprơ Ơm 22:1

Ơ Brah Ndu gâp! Ơ Brah Ndu gâp! Mâm ƀư May chalơi gâp? Mâm ƀư May gŭ ngai mâu ŭch kơl gâp jêh ri mâu tăng nau gâp nđêng?

Nau Mprơ Ơm 31:22

Tâm nau uh ah gâp lah pô aơ: “Bu nkhĭt roh gâp tanăp măt May.” Ƀiălah tơlah gâp kuăl mbơh sơm ma May, May tăng nau gâp dăn.

Êsai 40:27

Pôri ơ Yakôb, mâm ƀư khân may lah; Ơ Israel, mâm ƀư khân may lŭng nter “Trong gâp hŏ dơi pôn ndâp jêh đah Brah Yêhôva, Brah Ndu gâp mâu hôm mĭn rvê ôh nau gâp geh”?

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Yêrêmi 23:39

Yor nây Gâp mra chuêl khân may jêh ri lơi khân may nđâp ma ƀon Gâp hŏ ăn ma khân may jêh ri phung chô yau khân may ngai bơh măt Gâp.

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Êsêkiêl 33:10

Hơi kon bunuyh, lah hom ma ngih Israel pô aơ: ‘Khân may lah: Yor nau mhĭk jêh ri nau tih hên bun jâk ta klơ hên ƀư ăn ma hên rgănh hâu ngăn yor păng; mâm dơi hên rêh?’