Êsai 49:13 - Nau Brah Ndu Ngơi 2023

¹³ Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:13 ပူးပေါင်းရင်းမြစ်များ

I Nau Rêh Jêng 16:31

Ăn lĕ ndâr trôk maak hom jêh ri neh ntu hâk răm! Tâm lĕ bri dak, bu nter lah: “Brah Yêhôva chiă uănh!”

Nau Mprơ Ơm 148:9

Phung yôk jêh ri dor, Phung tơm play jêh ri lĕ rngôch tơm si sêdar,

Nau Mprơ Ơm 65:13

Ndrêch gơ̆ bêng ma phung biăp, Lĕ rlŭng nkŭm ma ba răch; Lam ntŭk mprơ troh maak.

Nau Mprơ Ơm 69:34

Ăn trôk, neh ntu, dak mƀŭt Jêh ri lĕ ntil mpa rêh tâm nây mprơ tâm rnê ma Păng da dê.

Nau Mprơ Ơm 71:21

May mra ntop nau yơk gâp, Jêh ri plơ̆ bonh leng gâp.

Nau Mprơ Ơm 89:13

May geh nting tur ti brah toyh, Ti May geh nau ktang jêh ri ti ma May yơr prêh klơ.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 49:14

Ƀiălah ƀon Siôn hŏ ăp lah pô aơ: “Brah Yêhôva hŏ dun jêh gâp; Kôranh Brah gâp chuêl jêh gâp.”

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 51:48

Nôk nây, trôk, neh jêh ri ăp ntil ndơ tâm nây Geh bâr troh maak ma Babilôn Yorlah phung ƀư rai tă bơh mpeh pa lơ Văch tât ƀư rai păng.” Brah Yêhôva lah pônây.

Êsêkiêl 35:14

Kôranh Brah Yêhôva lah: ‘Dôl lĕ rngôch rplay neh maak răm Gâp mra ƀư ăn may jêng rngol.’

Luka 15:10

Kơt nây đŏng, Gâp lah ma khân may, phung tông mpăr Brah Ndu mra răm maak ma du huê bunuyh tih rmal nau tih.”

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;