Êsai 49:12 - Nau Brah Ndu Ngơi 2023

¹² Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:12 ပူးပေါင်းရင်းမြစ်များ

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Luka 13:29

Jêh nây ntơm bơh mpeh luh nar, nhâp nar, pa dâng, pa lơ, bu mra tât gŭ râng nhêt sông sa tâm ƀon bri hađăch Brah Ndu.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.