Êsai 48:5 - Nau Brah Ndu Ngơi 2023

⁵ Rĭ dĭng Gâp mbơh jêh lĕ nau nây ma may bơh kăl e, Gâp mbơh jêh ăn may gĭt êlor ma nau nây tât ngăn, Klach lah may lah: ‘Rup brah gâp ƀư jêh lĕ nau nây; Rup gâp trah jêh ri rup gâp tŏ chiăr ntăm jêh nau nây.’

Êsai 48:5 ပူးပေါင်းရင်းမြစ်များ

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 44:7

Mbu nơm jêng tâm ban ma Gâp? Ăn păng mbơh nau nây, Nkoch mbơh jêh ri mpơl nau nây ma Gâp Moh nau tât ntơm bơh rnôk Gâp ndâk phung ƀon lan ơm aơ. Ăn khân păng mbơh moh nau mra tât Jêh ri lĕ nau dăch tât ma khân păng.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 48:3

“Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Luka 1:70

Tâm ban ma Păng hŏ dŏng bâr mbung phung nơm mbơh lor kloh ueh Hŏ ton ntơm bơh rnôk kăl e,

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’