Êsai 48:21 - Nau Brah Ndu Ngơi 2023

²¹ Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Êsai 48:21 ပူးပေါင်းရင်းမြစ်များ

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nau Mprơ Ơm 105:41

Păng plah lŭ, dak luh dŭl ro Nâm bu du n'hor dak krong hoch tâm bri rdah.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 78:15

Păng rlah lŭ tâm bri rdah Jêh ri ăn khân păng nhêt dak mpay nau ŭch tâm ban ma tă bơh brŏng jru.

Nau Mprơ Ơm 78:16

Păng ăn n'hor dak brul luh tă bơh lŭ toyh Jêh ri ăn dak hoch nâm bu dak krong.

Nau Mprơ Ơm 78:20

Nđâp tơlah Păng dong jêh lŭ toyh Ăn luh dak rdŭl luh jêng dak n'hor, Dơi lĕ Păng ăn ƀănh? Jêh ri ăn puăch ma phung ƀon lan Păng lĕ?”

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Nau Kơp Bunuyh 20:11

Ti Y-Môis djôt mâng yơr jêh ri dong ta lŭ toyh bar tơ̆. Dak luh rdŭl âk râk; phung tâm rƀŭn jêh ri mpô mpa rong khân păng nhêt đŏng.