Êsai 48:20 - Nau Brah Ndu Ngơi 2023

²⁰ Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 48:20 ပူးပေါင်းရင်းမြစ်များ

II Samuel 7:23

Ta klơ neh ntu, moh phung ƀon lan tâm ban ma phung ƀon lan Israel May, jêng phung ƀon lan Brah Ndu tâm rklaih jêh gay ƀư phung ƀon lan May nơm jêh ri tâm amoh ma khân păng? May hŏ ƀư yor ma May nơm jêh ri n'gor bri May, rĭ dĭng May ƀư lĕ nau kan toyh khư ma bu klach, tơlah May hŏ mprơh jêh âk mpôl băl bunuyh êng jêh ri phung brah khân păng tă bơh tanăp măt May, jêng phung ƀon lan May hŏ sâm chuai khân păng du luh bơh Êjipt gay prăp ma May nơm.

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Êsai 24:14

Phung bunuyh hôm gŭ rêh klen aơ mra mprơ nau răm rhơn; Bơh mpeh nhâp nar, khân păng nter huy nau răm maak Tâm rnê nau chrêk rmah Brah Yêhôva.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 48:6

May tăng jêh, aƀaơ aơ uănh hom lĕ nau nây. Khân may mâu mra mbơh hĕ nau nây? Ntơm aƀaơ, Gâp mra ăn may gĭt ma lĕ nau mhe, Jêng lĕ nau kan ndâp khân may mâu mâp gĭt ôh.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 51:14

Bu mra tâm rklaih gơnh phung jêng bu nă; Khân păng mâu mra khĭt tâm ndrung ngo ôh, Mâu lĕ khân păng pưt ndơ sông sa.

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 31:11

Yorlah Brah Yêhôva sâm chuai jêh Yakôb, Rklaih jêh khân păng tă bơh ti nơm dăng ktang lơn.

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 50:8

Du hom tă bơh Babilôn, du luh hom bơh bri Kaldê, hăn hom panăp nâm bu be nkuăng hăn leo mpôl!

Yêrêmi 51:45

Ơ phung ƀon lan Gâp, luh du hom tă bơh păng, Ăp nơm ăn tâm rklaih êng păng nơm Klaih tă bơh nau Brah Yêhôva duh nuih!

Yêrêmi 51:48

Nôk nây, trôk, neh jêh ri ăp ntil ndơ tâm nây Geh bâr troh maak ma Babilôn Yorlah phung ƀư rai tă bơh mpeh pa lơ Văch tât ƀư rai păng.” Brah Yêhôva lah pônây.

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Sakari 10:8

Gâp mra kuăl khân păng jêh ri rgum tay khân păng, Yorlah Gâp hŏ tâm chuai jêh khân păng; Jêh ri khân păng mra jêng bĭk rơ̆ nâm bu kăl e.

Sakari 2:10

Brah Yêhôva lah: “Hơi kon bu ur ƀon Siôn, troh nter jêh ri hâk răm hom! Yorlah aơ, Gâp dôl văch jêh ri Gâp mra gŭ ta nklang khân may.

Nau Vay Nkah Tay 30:4

Nđâp lah bu nsot khân may gŭ tâm ntŭk ngai dŭt trôk, bơh nây Yêhôva Brah Ndu khân may mra rgum tay khân may jêh ri djôt leo khân may plơ̆ sĭt.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 18:4

Jêh nây gâp tăng du bâr êng tă bơh trôk, lah pô aơ: “Hơi phung ƀon lan Gâp, luh hom bơh ƀon Babilôn! Klach lah khân may hăn lăp nau tih ndrel ma păng, Jêh ri khân may dơn nau rêh ni ndrel ma păng: