Êsai 48:19 - Nau Brah Ndu Ngơi 2023

¹⁹ Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Êsai 48:19 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

Ndrom Samƀŭt bơh Yôp 5:25

May gĭt phung kon sau may mra âk râk, Jêh ri noi deh may âk nâm bu gơ̆ tâm mir.

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 9:5

Kôranh Brah hŏ nduyh jêh lĕ bri dak, ƀư rai phung mhĭk, Lâm lĕ n'ho ro amoh khân păng.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 14:22

Brah Yêhôva ma phung tahan lah: “Gâp mra dâk tâm rdâng ma khân păng. Gâp mra ƀư rai amoh Babilôn jêh ri phung hôm klen, nđâp ma phung kon sau jêh ri phung sau se,” Brah Yêhôva lah pônây.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 44:4

Khân păng mra hon ta nklang gơ̆, Tâm ban ma tơm si yôr dăch n'hor dak hoch.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Êsai 54:3

Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Êsai 9:14

Bôk jêng kôranh bu ranh jêh ri nơm bu yơk Chiăng jêng nơm mbơh lor nti lah nau mƀruh.

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Samƀŭt Pôl Njuăl Ăn Ma Phung Nsing Ta Ƀon Rôm 9:27

Bi Y-Êsai hao ngơi ma phung Israel pô aơ: “Nđâp tơlah phung kon Israel âk tâm ban ma choih dak mƀŭt, knŏng du kô̆ hôm e klen mra dơi tâm rklaih;

Nau Vay Nkah Tay 9:14

Lơi ta mpăng Gâp ôh, Gâp mra ƀư rai khân păng jêh ri jut lơi amoh khân păng bơh neh ntu aơ. Ƀiălah Gâp mra ƀư ma may dơi jêng du ndŭl mpôl dăng lơn jêh ri âk lơn ma khân păng.’

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”

Bu ur Rut 4:10

jêh ri sŏk đŏng H'Rut bu ur Môap, ur Y-Mahlôn, jêng ur gâp, gay ndray amoh nơm khĭt jêh tâm drăp ndơn păng, gay ma amoh nơm khĭt jêh mâu roh ôh ta nklang phung oh nâu khân păng jêh ri ƀon tơm păng. Nar aơ khân may jêng phung râng an ma nau nây.”