Êsai 48:18 - Nau Brah Ndu Ngơi 2023

¹⁸ Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 48:18 ပူးပေါင်းရင်းမြစ်များ

Nau Mprơ Ơm 119:165

Phung rŏng ma nau vay May geh nau đăp mpăn ngăn; Mâu geh ndơ ƀư chêh prah khân păng ôh.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Êsai 33:21

Yorlah nau rnam Brah Yêhôva mra gŭ ndrel đah he ta nây, Jêng ntŭk geh dak krong jêh ri dak n'hor huy ngăn, Mâu geh rkĭt sĭt hăn ôh, Mâu geh kumpăn toyh hăn rgăn.

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Amôt 5:24

Ƀiălah ăn nau sŏng hoch nâm bu dak, Jêh ri nau sŏng srăng nâm bu dak krong toyh hoch thăng ƀaƀơ.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!