Êsai 48:16 - Nau Brah Ndu Ngơi 2023

¹⁶ Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 48:16 ပူးပေါင်းရင်းမြစ်များ

Êsai 34:1

Hơi lĕ bri dak văch dăch hom, gay tăng, Ơ phung ƀon lan, rkêng tôr iăt hom! Rplay neh jêh ri lĕ rngôch ndơ tâm păng, Neh ntu jêh ri lĕ mpa luh bơh păng, Rkêng tôr hom!

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 43:13

Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 57:3

Ƀiălah khân may jêng kon sau phung n'hŭm, Noi deh nơm văng tĭr jêh ri bu ur ka n'hong, Văch dăch hom!

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Yôhan 18:20

Brah Yêsu plơ̆ lah: “Gâp hŏ ngơi rah vah jêh ma lĕ rngôch ntil mpôl bunuyh. Gâp vay nti tâm ngih rƀŭn jêh ri tâm ngih brah, ntŭk lĕ rngôch phung Yuđa gŭ rgum, Gâp mâu mâp ngơi du ntil nau ndâp ôh.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.