Êsai 48:14 - Nau Brah Ndu Ngơi 2023

¹⁴ Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Êsai 48:14 ပူးပေါင်းရင်းမြစ်များ

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

Nau Ntơm 49:2

Hơi phung kon bu klâu Y-Yakôb, rgum ndrel hom jêh ri iăt hom; Rkêng iăt hom ma Y-Israel, mbơ̆ khân may:

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 41:22

Ăn khân păng hăn dăch jêh ri mbơh ăn hên gĭt Moh nau mra tât! Nkoch bri hom ma hên moh lĕ nau hŏ geh bơh kăl e, Gay ma hên dơi sek uănh khân păng Jêh ri gĭt rbăng nau nglĕ dŭt khân păng; Mâu lah mbơh ăn hên gĭt moh nau mra tât.

Êsai 43:9

Lĕ rngôch bri dak tâm rgum hom ndrel n'grŭp, Lĕ phung ƀon lan gŭ tâm rƀŭn hom. Mbu tâm phung khân păng dơi mbơh nau aơ, Jêh ri tâm mpơl ma he lĕ nau gĭt tă bơh lor? Ăn khân păng njŭn phung mbơh nau ngăn gay gĭt rah vah khân păng jêng di, Jêh ri ăn bu gŭ iăt jêh ri lah pô aơ: “Nau nây ngăn yơh!”

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 44:7

Mbu nơm jêng tâm ban ma Gâp? Ăn păng mbơh nau nây, Nkoch mbơh jêh ri mpơl nau nây ma Gâp Moh nau tât ntơm bơh rnôk Gâp ndâk phung ƀon lan ơm aơ. Ăn khân păng mbơh moh nau mra tât Jêh ri lĕ nau dăch tât ma khân păng.

Êsai 45:13

Gâp nơm yơh hŏ ƀư ăn jêh ma nơm nây n'hao tâm nau sŏng srăng, Jêh ri ƀư ma lĕ rngôch trong păng lâng. Păng mra ndâk tay ƀon toyh Gâp, Jêh ri dơi jêng kon me ma phung ƀon lan Gâp tă bơh bu krŭng Ƀiălah mâu kêh rnoh chuai, mâu đŏng ŭch nau nkhôm,” Brah Yêhôva ma phung tahan lah.

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”