Êsai 48:11 - Nau Brah Ndu Ngơi 2023

¹¹ Yor ma Gâp nơm, yor ma Gâp nơm yơh, Gâp mra ƀư nau nây, Mâm ƀư Gâp ăn bu ƀư ƀơ̆ amoh Gâp? Gâp mâu mra ăn ôh nau chrêk rmah Gâp ma brah êng.

Êsai 48:11 ပူးပေါင်းရင်းမြစ်များ

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 115:1

Ơ Brah Yêhôva, yor nuih n'hâm ueh jêh ri nau răp jăp May, Nau chrêk rmah mâu jêng ndơ ma hên, mâu jêng ndơ ma hên. Ƀiălah khư jêng ndơ ma amoh May yơh!

Nau Mprơ Ơm 25:11

Ơ Brah Yêhôva! Yor amoh May, Yô̆ an ma gâp, yorlah gâp ƀư tih jâk.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 48:5

Rĭ dĭng Gâp mbơh jêh lĕ nau nây ma may bơh kăl e, Gâp mbơh jêh ăn may gĭt êlor ma nau nây tât ngăn, Klach lah may lah: ‘Rup brah gâp ƀư jêh lĕ nau nây; Rup gâp trah jêh ri rup gâp tŏ chiăr ntăm jêh nau nây.’

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Êsai 52:5

Brah Yêhôva lah: “Aƀaơ aơ, moh Gâp ƀư? Yorlah phung ƀon lan Gâp hŏ jêng bu nă mâu geh kô̆ mâu geh nau.” Brah Yêhôva lah: “Phung kôranh chiă uănh khân păng nter nđêng, jêh ri bu ngơi sưr ma amoh Gâp, nar aơ tât nar ƀaƀă.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 20:22

Ƀiălah, Gâp rŭch lơi jêh ti Gâp jêh ri ƀư jêh yor amoh Gâp gay ăn amoh nây bu mâu ƀư ƀơ̆ ôh tanăp phung ƀon lan êng, jêng phung ƀon lan saơ Gâp hŏ leo khân păng luh tă bơh khân păng.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Êsêkiêl 20:44

Khân may mra gĭt Gâp jêng Brah Yêhôva tơlah Gâp mra yor amoh Gâp nơm gay vơt khân may mâu tĭng ôh trong mhĭk jêh ri kan pah mhĭk khân may ƀư. Hơi ngih Israel, Kôranh Brah Yêhôva lah pônây.’”

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Êsêkiêl 36:22

Yor nây, lah hom ma ngih Israel pô aơ: ‘Kôranh Brah Yêhôva lah: Hơi ngih Israel, mâu di yor ma khân may dĭng Gâp ƀư nau nây, ƀiălah yor amoh kloh ueh Gâp khân may hŏ ƀư mhĭk jêh tâm nklang lĕ phung ƀon lan jêng ntŭk khân may hŏ tât.

Daniel 9:17

Pônây aƀaơ aơ, ơ Brah Ndu hên, dăn iăt hom nau mbơh sơm vơl dăn oh mon May! Yor amoh Kôranh Brah, dăn muh măt May dơi sol ang ta klơ ngih kloh ueh rngol May!

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Samƀŭt Pôl Njuăl Ăn Ma Phung Nsing Ta Ƀon Rôm 2:24

Tâm ban geh nau nchih: “Yor khân may yơh phung bu năch ngơi mưch rmot ma amoh Brah Ndu.”

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.