Êsai 47:8 - Nau Brah Ndu Ngơi 2023

⁸ Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Êsai 47:8 ပူးပေါင်းရင်းမြစ်များ

Êsai 14:14

Gâp mra hao prêh lơn ma ndâr tŭk, Ƀư ma gâp tâm ban ma Nơm Dŭt Prêh.”

Êsai 32:11

Ơ phung bu ur mpay êng, râm sâr hom, Ơ phung bu ur mâu gĭt njrăng, ăn khân ay rŭng răng! Doh lơi hom bok ao khân ay, gŭ rhôk hom, Vân hom bŭt khân ay ma bok ƀau.

Êsai 32:9

Ơ phung bu ur mpay êng, Dâk iăt hom bâr Gâp! Ơ phung kon bu ur mâu gĭt njrăng, Rkêng hom tôr iăt nau Gâp ngơi!

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsai 45:6

Gay ma phung bunuyh dơi gĭt ntơm bơh ntŭk nar luh tât nar nhâp, Rlau ma Gâp, mâu geh Nơm êng ôh. Gâp jêng Brah Yêhôva, mâu geh Nơm êng ôh.

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Yêrêmi 49:31

Brah Yêhôva lah: “Dâk hom, rduh lơh du phung ndŭl mpôl mâu geh nau mĭn rvê ôh, Dôl gŭ đăp mpăn, Mpông mâu geh nchăng, mâng rnăng mâu nđăng Jêng du ntŭk gŭ êng.

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Êsêkiêl 16:49

Aơ jêng nau djơh mhĭk oh bu ur ay jêng ƀon Sôdôm: Păng jêh ri phung kon bu ur păng geh nau sưr, ndơ sông sa rlau keh, jêh ri kơr ƀlao, ƀiălah păng mâu kơl ôh phung o ach jêh ri phung mâu geh ndô ndơ.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 30:9

Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Daniel 4:4

Gâp, Y-Nêbukatnetsar, dôl gŭ mleh rmên tâm ngih hađăch gâp, kan tâm ngih hađăch gâp hao jêng,

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:30

Măng nây ro, bu nkhĭt Belsasar, hađăch phung Kaldê.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Nahum 3:4

Nây jêng yor âk ngăn bu ur ka n'hong vay ƀư nau văng tĭr, Ndơm ma nau ueh păng, ƀư hađăch bu ur nau blau rƀên; Păng tăch lĕ bri dak yor ma nau văng tĭr, Jêh ri tăch phung ƀon lan ma nau blau rƀên.

Habakuk 1:7

Khân păng dŭt klach ngăn jêh ri krit klach hâu ngăn, Khân păng ƀư nau vay ma khân păng nơm, jêh ri n'hi êng n'hao êng khân păng nơm.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

Phung Kôranh Phat Dôih 18:27

Jêh sŏk lĕ rup Y-Mika hŏ ƀư jêh ri nhŭp kôranh ƀư brah păng, jêh ri lăp ndal tâm ƀon toyh Lais, jêng du phung ƀon lan gŭ păn thơ, đăp mpăn, mâu geh njrăng, jêh ri sŏk đao nkhĭt phung ƀon lan nây, jêh nây su ƀon toyh khân păng ma ŭnh.

Phung Kôranh Phat Dôih 18:7

Pônây, prăm nuyh bu klâu nây dâk hăn tât ta ƀon toyh Lais, saơ phung ƀon lan gŭ ta nây hăn tĭng nâm nau vay phung Sidôn, gŭ rêh đăp mpăn, mâu rŭng răng ôh jêh ri mâu geh njrăng. Mâu geh nơm nduyh ma kôranh chiă uănh tâm ƀon toyh nây. Khân păng gŭ ngai đah phung Sidôn, jêh ri mâu geh tâm rnglăp đah bu ôh.