Êsai 47:6 - Nau Brah Ndu Ngơi 2023

⁶ Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 47:6 ပူးပေါင်းရင်းမြစ်များ

II Samuel 24:14

Y-Đavit lah ma Y-Gat: “Gâp tŭp tâm nau rêh ni toyh ngăn! Pônây, ăn he tŭp tâm ti Brah Yêhôva, yorlah nau Păng yô̆ nđach toyh ngăn; ƀiălah lơi ăn gâp tŭp tâm ti bunuyh ôh.”

II Nau Rêh Jêng 10:11

Tơlah mbơ̆ gâp hŏ n'gân jêh du mâng mbăk jâk jêr ta klơ khân may, gâp mra ƀư ma mâng mbăk jâk lơn đŏng; mbơ̆ gâp tâm rmal jêh khân may ma rse ntâu, bi gâp, gâp mra tâm rmal khân may ma mâng rvĕ ndŭr vơng.’”

II Nau Rêh Jêng 28:9

Geh ta nây, du huê nơm mbơh lor Brah Yêhôva amoh Y-Ôdet. Păng hăn mâp phung tahan dôl plơ̆ sĭt bơh Samari, jêh ri lah ma khân păng: “Aơ, Yêhôva Brah Ndu phung che khân may hao ji nuih ma phung Yuđa yor ri Păng jao khân păng tâm ti khân may, jêh ri khân may nkhĭt khân păng ma nau ji nuih, nau nây lư n'hôl tât trôk.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

II Nau Rêh Jêng 36:20

Đơ phung hôm klen bu nkhĭt ma đao, bu nhŭp lĕ rngôch djôt leo njêng bu nă tâm bri Babilôn, jêh ri khân păng jêng dĭk ma păng jêh ri ma kon sau păng, kŏ tât rnôk bu ndâk ƀon bri hađăch Persi.

Êsra 5:12

Ƀiălah phung chô yau hên nsônh nau ji nuih Brah Ndu, yor ri Păng jao khân păng tâm ti Y-Nêbukatnetsar, hađăch Babilôn, jêng phung Kaldê. Hađăch nây ƀư rai ngih brah aơ jêh ri veng phung ƀon lan leo tât ta Babilôn.

Nau Mprơ Ơm 69:26

Yorlah khân păng ƀư mhĭk jêh ma nơm May dong Jêh ri khân păng nkoch tay nau rêh ni phung May ƀư sôt rmanh jêh.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 14:6

Jêng phung mâu rlu dong phung ndŭl mpôl bunuyh Tâm nau ji nuih Chiă uănh lĕ bri dak tâm nau ji nuih, Jêh ri nau ƀư mhĭk mâu geh nơm dơi king ôh.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Nau Nhĭm Vơl 1:14

Nau tih gâp kât ta mâng mbăk Ti Păng nơm kât ndrel khân păng. Păng tŭn jâk ta trô ko gâp, Ƀư djoh nau dăng ktang gâp. Kôranh Brah hŏ jao gâp tâm ti khân păng, Jêng phung gâp mâu dơi tâm rdâng ôh!

Nau Nhĭm Vơl 1:21

Khân păng tăng bâr gâp nter vơl, Ƀiălah mâu geh ôh nơm bonh leng. Lĕ rngôch phung rlăng gâp maak rhơn da dê, Dôl Păng djôt leo nau mhĭk tât ma gâp. Ăn may djôt nar May hŏ mbơh jêh ƀư ăn tât! Gay ma khân păng rêh ni nâm bu gâp.

Nau Nhĭm Vơl 2:2

Kôranh Brah rvăn lĕ ntŭk Yakôb gŭ Mâu geh nau yô̆ djê̆ lê̆ ôh; Tâm nau ji nuih, Păng ƀư rlâm lơi lĕ pôih nâp kon druh Yuđa; Ƀư rai jêh ri ƀư nau bêk prêng, Lĕ rngôch ƀon bri hađăch nđâp ma phung kôranh chiă uănh.

Nau Nhĭm Vơl 4:16

Brah Yêhôva hŏ ƀư chah rai khân păng, Păng mâu uănh treng khân păng đŏng ôh. Kôranh ƀư brah mâu nănh n'gơr măt, Phung bu ranh mâu geh nau bu yơk ôh.

Nau Nhĭm Vơl 5:12

Ti khân păng hŏ yông jêh phung kôranh, Khân păng mâu yơk đŏng ôh ma phung bu ranh.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 28:16

Tơlah tăch rgâl drăp ndơ geh âk rmeh rmai, May bêng ma nau ƀai, jêh ri ƀư tih; Yor nây, Gâp mra nklơ̆ may jêng nâm bu ndơ ƀơ̆ ƀơch jŭr tă bơh yôk Brah Ndu; Hơi Chêrub nkŭm nking ri, Gâp ƀư rai may ta nklang lĕ glo lŭ ang nâm bu ŭnh!

Apdia 1:10

Yor nau djơh mhĭk may hŏ ƀư jêh ma oh nâu may Y-Yakôb Nau prêng mra nkŭm may jêh ri bu mra ƀư rai may ƀaƀơ n'ho ro!

Apdia 1:16

Di ngăn, mâm nau khân may hŏ nhêt jêh ta yôk kloh ueh Gâp Pôri lĕ rngôch bri dak mra nhêt kơt nây; Di ngăn, khân păng mra nhêt jêh ri rvăn ro Jêh nây khân păng mra tâm ban ma ê hŏ mâp geh ôh!

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Nau Vay Nkah Tay 28:50

du ndŭl mpôl geh muh măt hăt janh, mâu yơk ôh ma bunuyh ranh, mâu yô̆ ma phung druh ndăm.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.