Êsai 47:10 - Nau Brah Ndu Ngơi 2023

¹⁰ Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsai 47:10 ပူးပေါင်းရင်းမြစ်များ

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nau Mprơ Ơm 64:5

Khân păng ŭch ƀư nau mhĭk, Khân păng nchră mĭn sân dăk tâm ntŭk ndâp ƀư mhĭk bunuyh. Khân păng lah pô aơ: “Mbu nơm mra dơi saơ?”

Nơm Nti 8:8

Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 47:8

Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”