Êsai 47:1 - Nau Brah Ndu Ngơi 2023

¹ Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 47:1 ပူးပေါင်းရင်းမြစ်များ

Ndrom Samƀŭt bơh Yôp 2:13

Pe nuyh mĭt jiăng gŭ ta neh ndrel Y-Yôp tâm pơh năng nar, mâu geh du huê ngơi du tong ndrel păng, yor khân păng saơ nau ji păng toyh ngăn.

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Nau Mprơ Ơm 18:27

Kôranh Brah tâm rklaih phung dêh rhêt Ƀiălah n'glưh phung geh măt n'hao êng nơm.

Nau Mprơ Ơm 89:44

May ƀư lôch nau chrêk rmah păng, Klŭp lơi sưng hađăch păng ta neh.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 23:12

Păng lah: “Ơ kon bu ur Sidôn, jêng bu ur druh bu tŭn jot, Ay mâu hôm răm maak ôh! Nchuăt gơnh hom tât ma n'gor Kitim! Ƀiălah ta nây may mâu lĕ mra dơi nau đăp.”

Êsai 26:5

Păng n'glưh jêh phung gŭ ta ntŭk prêh; Ƀư rai lơi ƀon dŭt prêh, Rli jêng neh lâng rlĭ Jêh ri klŭp păng ta neh muy.

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Êsai 52:2

Ơ ƀon Yêrusalem, dâk hom may, Rtuh hom ndruyh neh jêh ri gŭ ta klơ sưng hađăch; Ơ kon bu ur ƀon Siôn, jêng phung gŭ tâm ndrung Doh êng rse ta trô ko ay.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Yêrêmi 50:1

Aơ jêng nau Brah Yêhôva lah tă bâr mbung nơm mbơh lor Y-Yêrêmi lah ma bri Babilôn, ma bri neh phung Kaldê:

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 51:1

Brah Yêhôva lah: “Aơ Gâp mra ƀư du sial ƀư rai, Hao ƀư rai đah Babilôn, Jêh ri phung ƀon lan gŭ tâm bri Kaldê.

Yêrêmi 51:33

Ma yorlah Brah Yêhôva ma phung tahan, Brah Ndu Israel lah: “Kon bu ur ƀon Babilôn tâm ban ma ntŭk mprah ba Ta yan mprah ba; Mâu hôm jŏ đŏng ôh Yan rek păng mra tât.”

Yêrêmi 51:51

Hên bêk prêng yorlah tăng nau bu nduyh; Nau prêng nkŭm ta muh măt hên Yorlah phung bu năch hŏ lăp jêh Tâm ntŭk kloh ueh ngih Brah Yêhôva.

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Nau Nhĭm Vơl 2:21

Rŏ trong sâng, phung mom ndăm jêh ri phung bu ranh Lâng bê̆ch mbrach; Phung bu klâu ndăm bu ur druh gâp Cha lôt khĭt da dê yor ma chiông đao. May hŏ nkhĭt lơi jêh khân păng tâm nar ji nuih, Ƀư nkhĭt khân păng mâu geh nau yô̆ ôh.

Nau Nhĭm Vơl 4:5

Phung tă chiăm ler ndơ sa kah, Aƀaơ gŭ êng tâm trong sâng ƀon toyh; Phung văch ma toyh tâm bok rvanh chăng-krăk, Aƀaơ ri pung tâm ŭnh buh.

Êsêkiêl 26:16

Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 2:7

“Hơi ƀon Siôn, phung hôm gŭ rêh ta Babilôn, du hom!”

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’