Êsai 46:7 - Nau Brah Ndu Ngơi 2023

⁷ Khân păng tuy rup nây ta săng nglik, jêh ri djôt, Dơm rup nây ta ntŭk păng, jêh ri păng gŭ dâk ta nây; Păng mâu mpât du bơh ntŭk păng ôh. Tơlah bu nter ma păng, păng mâu dơi plơ̆ lah ôh, Jêh ri mâu lĕ dơi rklaih khân păng bơh nau tât.”

Êsai 46:7 ပူးပေါင်းရင်းမြစ်များ

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

Êsai 37:38

Du nar, nôk hađăch Sênakêrip dôl chon mon mbah brah păng nơm tâm ngih brah Nirok, phung kon bu klâu hađăch jêng Y-Adramêlek jêh ri Y-Sarêser sŏk đao nkhĭt hađăch, jêh nây hăn du rlet n'gor Ararat. Kon hađăch jêng Y-Êsarhadôn chiă uănh thoi ntrok păng.

Êsai 40:20

Nơm o ach ngăn mâu dơi geh rup tŏ ôh Pôri păng săch tơm si mâu blau ôm, Jêh ri joi du huê bunuyh blau ueh Gay ndâk du rup nâp ktang.

Êsai 41:28

Gâp uănh ƀiălah mâu geh du huê ôh; Ta nklang khân păng, mâu geh du huê nơm tâm kơl nchră Gay ma tơlah Gâp ôp, khân păng dơi plơ̆ lah ma Gâp du nau ngơi.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 41:7

Nơm trah meh n'hao nuih nơm chiăr prăk, Nơm tôp n'hao nuih nơm chiăr; Khân păng lah ma mâng han pô aơ: “Păng jêng ueh jêh!” Jêh nây sŏk kđĭn pâng gay rup mâu n'goh n'gơ.

Êsai 44:12

Nơm chiăr sŏk du njăr loih gŭch sĭn jêh ta klơ rnga ŭnh, jêh ri dŏng me nôp gay ƀư rup; păng pah kan ma ti ktang păng. Nđâp lah ji ngot jêh ri mâu hôm dăng, păng mâu nhêt dak ôh, jêh ri rgănh huơi.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:1

Brah Bel cha lôt, brah Nêbô prah sơmok, Rup brah khân păng bu rdeng ta klơ ndŭr kơi mpa bri jêh ri mpô mpa rong. Phung rup khân may vay tung Jêng du ndơ jâk, ƀư rgănh mpô mpa.

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Yêrêmi 10:5

Lĕ rup brah nây nâm bu pla mut tâm lĕ mir rpŭng, Mâu blau ngơi, Mâu blau hăn, bu mra tung. Lơi klach ôh khân păng, Yorlah khân păng mâu dơi srih nau mhĭk mâu lah dơi ăn nau ueh uĭn ôh.”

Yêrêmi 11:12

Aƀaơ aơ, lĕ rngôch ƀon n'gor Yuđa jêh ri phung ƀon lan gŭ tâm ƀon Yêrusalem mra hăn kuăl dăn ma phung brah khân păng hôm nhhơr ndơ ƀâu kah, ƀiălah phung brah nây mâu mra dơi tâm rklaih khân păng tâm năng nau rêh ni ôh.

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Daniel 3:1

Hađăch Nêbukatnetsar ƀư du mlâm rup mah prêh bar jât pơh met, dĭ rkăng bar met pơh jêh ri rdâk ta neh lâng Dura, jêng tâm n'gor bri Babilôn.

Yônais 1:5

Phung ƀĭt kumpăn klach da dê, ăp nơm kuăl ma brah khân păng nơm. Jêh ri khân păng mƀăr lơi ndô ndơ tâm kumpăn tâm dak mƀŭt gay ma n'gơch kumpăn. Ƀiălah Y-Yôna trŭnh hăn jêh tâm trôm blat kumpăn lâng săk jêh ri hăk bê̆ch.

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.