Êsai 46:4 - Nau Brah Ndu Ngơi 2023

⁴ Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Êsai 46:4 ပူးပေါင်းရင်းမြစ်များ

Nau Mprơ Ơm 48:14

Pô aơ: “Aơ Brah Ndu, Jêng Brah Ndu he kŏ tât n'ho ro dŭt ngăn; Păng mra njŭn leo he kŏ tât lôch du njăr rêh.”

Nau Mprơ Ơm 68:19

Mât ton ma Kôranh Brah Jêng Nơm mbăk an ndơ jâk he ăp nar, Nây jêng Brah Ndu jêng nau tâm rklaih hên. (Sêla)

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Mprơ Ơm 71:9

Lơi ta May chalơi gâp tâm rnôk lĕ ranh; Lơi ta du ngai bơh gâp tơlah nau ktang lĕ huănh hươi.

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Êsai 43:13

Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 48:12

Ơ Yakôb jêng phung Israel, phung Gâp kuăl jêh, Iăt hom Gâp! Gâp yơh jêng Nơm nây; Gâp jêng lor lơn jêh ri nglĕ dŭt.

Malachi 2:16

Yorlah Yêhôva Brah Ndu Israel lah: “Gâp ji nuih ngăn ma nau chalơi ur sai, jêh ri ji nuih đah mbu nơm sŏk nau djơh mhĭk ƀư ao nsoh ma păng nơm.” Brah Yêhôva ma phung tahan lah kơt nĕ. Pôri, njrăng hom tâm nuih n'hâm khân may, lơi jêng ôh bunuyh mâu gŭ răp jăp.

Malachi 3:6

“Yorlah Gâp jêng Brah Yêhôva mâu blau rgâl ôh, yor nây phung kon sau Y-Yakôb mâu rai lôch ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

ហេឞ្រើ 1:12

May mra klôn khân păng nâm bu ao mbâl, Jêh ri khân păng mra tâm rgâl nâm bu kho ao. Ƀiălah Kôranh Brah ăt hôm kơt ơm, Jêh ri lĕ năm Kôranh Brah mâu mra rlau lôch ôh.”

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.