Êsai 46:2 - Nau Brah Ndu Ngơi 2023

² Khân păng prah sơmok jêh ri cha lôt, Mâu dơi tâm rklaih ndơ jâk ta klơ ndŭr kơi, Jêh ri khân păng nơm hăn du jêng bu nă.

Êsai 46:2 ပူးပေါင်းရင်းမြစ်များ

II Samuel 5:21

Phung tahan Philistin chalơi lĕ rup brah khân păng ta nây, Y-Đavit jêh ri phung tĭng ndô̆ păng sŏk djôt leo ndơ nây.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 37:12

Phung brah tâm lĕ bri dak jêng phung mbơ̆ chô gâp hŏ ƀư rai jêh, jêng phung brah n'gor Gôsan, Charan, Rêsep, jêh ri phung Êđen gŭ ta ƀon Têlasar, mâp dơi tâm rklaih khân păng lĕ?

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 44:17

Gâl si hôm e, bu ƀư du mlâm brah, nâm bu ntĭt du rup trah ma păng nơm, jêh nây chon mon tanăp măt păng gay yơk mbah jêh ri kuăl mbơh sơm ma păng pô aơ: “Tâm rklaih hom gâp, yorlah may jêng brah gâp!”

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Yêrêmi 48:7

Yorlah may rnơm ma kan jêh ri jay ndơ khlay may nơm, Yor nây bu mra pit in may; Brah Chêmôs mra jêng bu nă Ndrel ma phung kôranh ƀư brah jêh ri phung kôranh păng.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”

Phung Kôranh Phat Dôih 18:24

Y-Mika plơ̆ lah: “Khân may ntŭng phung brah gâp hŏ ƀư ndrel kôranh ƀư brah, jêh ri leo hăn du. Moh ndơ hôm e ma gâp nơm? Mâm khân may hôm ôp đŏng ma gâp ‘moh ndơ ƀư?’”

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.