Êsai 46:12 - Nau Brah Ndu Ngơi 2023

¹² Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 46:12 ပူးပေါင်းရင်းမြစ်များ

Nau Mprơ Ơm 119:150

Phung geh nau mĭn ƀai văch dăch gay ƀư mhĭk gâp; Khân păng gŭ ngai đah nau vay May.

Nau Mprơ Ơm 119:155

Nau tâm rklaih gŭ ngai đah phung ƀai, Yorlah khân păng mâu joi lĕ nau vay May dăp ôh.

Nau Mprơ Ơm 49:1

Hơi lĕ rngôch phung ƀon lan, iăt hom nau aơ; Hơi lĕ rngôch bunuyh gŭ tâm neh ntu, rkêng tôr iăt hom.

Nau Mprơ Ơm 76:5

Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

Êsai 28:14

Yor ri, ơ phung dăng mưch, Dôl chiă uănh phung ƀon lan aơ ta ƀon Yêrusalem! Gŭ iăt hom nau Brah Yêhôva ngơi.

Êsai 28:23

Rkêng hom tôr gay iăt bâr gâp; Rkêng tôr hom jêh ri iăt nau gâp ngơi!

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 59:14

Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Êphêsô 2:13

Ƀiălah tâm Brah Yêsu Krist, khân may jêng phung kăl e ri gŭ ngai, aƀaơ aơ khân may gŭ dăch jêh yor mham Brah Krist.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”