Êsai 46:1 - Nau Brah Ndu Ngơi 2023

¹ Brah Bel cha lôt, brah Nêbô prah sơmok, Rup brah khân păng bu rdeng ta klơ ndŭr kơi mpa bri jêh ri mpô mpa rong. Phung rup khân may vay tung Jêng du ndơ jâk, ƀư rgănh mpô mpa.

Êsai 46:1 ပူးပေါင်းရင်းမြစ်များ

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Êsai 2:18

Rnôk nây, phung rup brah mra roh rai lôch.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:7

Khân păng tuy rup nây ta săng nglik, jêh ri djôt, Dơm rup nây ta ntŭk păng, jêh ri păng gŭ dâk ta nây; Păng mâu mpât du bơh ntŭk păng ôh. Tơlah bu nter ma păng, păng mâu dơi plơ̆ lah ôh, Jêh ri mâu lĕ dơi rklaih khân păng bơh nau tât.”

Yêrêmi 10:5

Lĕ rup brah nây nâm bu pla mut tâm lĕ mir rpŭng, Mâu blau ngơi, Mâu blau hăn, bu mra tung. Lơi klach ôh khân păng, Yorlah khân păng mâu dơi srih nau mhĭk mâu lah dơi ăn nau ueh uĭn ôh.”

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 50:38

Ăn prăng phang ta klơ n'hor dak krong, Ƀư ma khân păng suăt kro! Yorlah bri nây bêng ma rup trah, Khân păng rluk yor rup brah.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Yêrêmi 51:52

Yor nây, Brah Yêhôva lah: “Aơ nar mra tât, Gâp mra phat dôih lĕ rup brah Babilôn Lam tâm bri păng, Đơ phung sôt rmanh mra rđêng nđor.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Daniel 3:14

Hađăch Nêbukatnetsar lah ma khân păng: “Ơ, Y-Sadrak, Y-Mêsăk, Y-Abetnêgô, di lĕ khân may mâu pah kan ma lĕ brah gâp jêh ri mâu yơk mbah ma rup mah gâp rdâk jêh?

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”

Nau Kơp Bunuyh 32:38

Nêbô, jêh ri Baal-Mêon (amoh lĕ ƀon aơ hŏ rgâl) jêh ri Sipma. Khân păng ăn amoh êng ma lĕ rngôch ƀon khân păng ndâk jêh.

Mathay 23:4

Khân păng nchâp jêh ri bun lĕ ndơ jâk ngăn ta nglik bu, ƀiălah khân păng nơm mâu ŭch pah du nglau ti khân păng ôh.

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.