Êsai 45:9 - Nau Brah Ndu Ngơi 2023

⁹ Rêh ni ngăn ma nơm tâm rlăch đah Nơm rhăk njêng păng! Păng knŏng jêng du rplay yăng tâm lĕ tâm yăng ma neh! Di lĕ neh uk ôp nơm blau mon glah, jêng nơm mon păng pô aơ: “Moh rup may ƀư?” Mâu lah: “Ndơ bơh ti may ƀư mâu geh ueh ôh?”

Êsai 45:9 ပူးပေါင်းရင်းမြစ်များ

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 33:13

Mâm ƀư may tâm rlăch đah Păng? Păng mâu ŭch rblang ôh lĕ nau Păng ƀư?

Ndrom Samƀŭt bơh Yôp 40:2

“Rêt hom rse bŭt nâm bu du huê tahan ktang, Gâp mra ôp may jêh ri may mra plơ̆ lah ma Gâp.

Ndrom Samƀŭt bơh Yôp 9:12

Ri, Păng sŏk lơi jêh, mbu nơm geh tay? Mbu nơm dơi ôp păng: ‘Moh ndơ Kôranh Brah ƀư nây?’

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nơm Nti 6:10

Moh ndơ geh aƀaơ hŏ dơi ntơ amoh bơh jŏ jêh, kon bunuyh mâm mra jêng hŏ dơi ăn gĭt bơh saơm; pôri kon bunuyh mâu dơi tâm rlăch ôh đah Nơm ktang lơn ma păng.

Êsai 10:15

Sung tâm rnê păng nơm rlau lơn ma nơm djôt sung, Mâu lah ndruih tâm rnê păng nơm rlau lơn ma nơm djôt ndruih lĕ? Nau nây tâm ban ma mâng rpăt gai rlơ̆ nơm yơr mâng rpăt, Mâng jra chông nơm kuăn mâng jra!

Êsai 29:16

Tâm rlơ̆ ngăn khân may: Mâm dĭng uănh nơm mon glah tâm ban ma neh uk? Mâm dĭng ndơ bu ƀư, lŏ lah ma nơm ƀư păng pô aơ: “Hŏ geh păng ƀư gâp”? Mâu lah du mlâm yăng lŏ lah ma nơm mon păng pô aơ: “Păng mâu geh nau gĭt rbăng ôh,” mâu geh?

Êsai 45:10

Rêh ni ngăn ma nơm lah ma mbơ̆ păng: “Moh ndơ may deh?” Mâu lah ma me păng: “Ndơ ƀư ay ji deh?”

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 18:6

“Hơi ngih Israel, Gâp mâu dơi ƀư ma khân may nâm bu nơm mon glah aơ hĕ?” Brah Yêhôva lah: “Hơi ngih Israel, mâm neh uk gŭ tâm ti nơm mon glah, khân may gŭ tâm ti Gâp tâm ban pônây lĕ.

Yêrêmi 36:29

Bi ma Y-Jêhôjakim, hađăch Yuđa, ăn may lah: Brah Yêhôva lah: ‘May lĕ su lơi jêh ndrom samƀŭt ntâu nây jêh ri lah: Mâm ƀư may nănh nchih pô aơ hađăch Babilôn mra văch tât nanê̆ ngăn ƀư rai bri aơ jêh ri mra ƀư rai lĕ rngôch bunuyh nđâp mpô mpa rong?’

Yêrêmi 50:24

Ơ Babilôn, Gâp hŏ sân jêh dăk ma may, May hŏ geh văk jêh ƀiălah mâu gĭt! Bu hŏ saơ jêh ri bu nhŭp may, Yorlah may hŏ tâm rlong jêh đah Brah Yêhôva.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?