Êsai 45:7 - Nau Brah Ndu Ngơi 2023

⁷ Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Êsai 45:7 ပူးပေါင်းရင်းမြစ်များ

II Phung Hađăch 19:25

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây, Gay ma may ƀư lĕ ƀon nâp Jêng lĕ mbŭch rlâm rai nchah rngot njăp jêh.

Ndrom Samƀŭt bơh Yôp 10:13

Ƀiălah May pôn lĕ ntil nây tâm nuih n'hâm; Gâp gĭt nau nây jêng nau May mĭn.

Ndrom Samƀŭt bơh Yôp 2:10

Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 105:28

Păng njuăl nau ngo jêh ri ƀư ma n'gor ngo klĕng, Ƀiălah phung nây ăt mâu iăt ôh nau Păng.

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 74:16

Nar jêng ndơ May, măng ăt jêng ndơ May; May rhăk njêng jêh khay jêh ri nar.

Nau Mprơ Ơm 75:7

Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Nau Mprơ Ơm 8:3

Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

Nau Ngluh Êjipt 14:20

gŭ ta vah vang rmlak tahan phung Êjipt jêh ri rmlak tahan phung Israel. Ndâr tŭk ƀư mpeh đah aơ geh nau ngo ƀiălah mpeh đah ri dơi sol ang rĭ dĭng tâm du măng nây bar đah ding phung nây mâu dơi tâm văch dăch ôh.

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 47:11

Yor nây, nau djơh mhĭk mra tât ndal ma ay Ƀiălah ay mâu gĭt ôh tă păng văch; Nau rêh ni mra tŭp ta ay, Ƀiălah ay mâu dơi king ôh; Nau ƀư rai mra tât ma ay ƀât lât dơm, Ƀiălah ay mâu năn gĭt ôh.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 31:35

Brah Yêhôva jêng Nơm ăn nar ƀư nau ang dôl nar, Tâm nal jêh nau vay dăp ăn ma khay, jêh ri mănh sol ang dôl măng; Nơm ƀư mpât dak mƀŭt ăn sial rbuh lŭng nter, Tâm amoh Păng jêng Brah Yêhôva ma phung tahan, lah pô aơ:

Yêrêmi 51:20

May jêng me nôp, jêng ndơ tâm lơh ăn ma Gâp; Gâp mra dŏng may dong nchah lĕ rngôch phung mpôl bunuyh Jêh ri ƀư rai lĕ rngôch ƀon bri hađăch.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Êsêkiêl 32:8

Gâp mra ƀư nau ang phung mănh ta klơ trôk, Nhhât klêm ta may, Jêh ri Gâp mra leo nau ngo nkŭm ta bri may,’ Kôranh Brah Yêhôva lah pônây.

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 5:6

Joi hom Brah Yêhôva ri mơ khân may mra rêh; Tơlah mâu, Păng mra jêng nâm bu ŭnh hit su ngih Yôsep, Jêh ri Bêthel, mâu geh ôh nơm buh nhhât.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yuđas 1:13

Khân păng tâm ban rbuh dak mƀŭt ma nau ktang, luh mpŭnh nau ƀơ̆ ƀơch khân păng nơm; khân păng nâm bu lĕ mănh mbing nhhơt, nau ngo vêt vê prăp ma khân păng n'ho ro.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.