Êsai 45:24 - Nau Brah Ndu Ngơi 2023

²⁴ Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 45:24 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 71:16

Gâp mra văch mprơ tâm rnê lĕ nau brah Kôranh Brah Yêhôva; Gâp mra kah gĭt nau sŏng srăng May, Jêh ri knŏng kah gĭt ma nau sŏng srăng May dơm.

Nau Mprơ Ơm 72:9

Phung gŭ tâm bri rdah mra chon mbah tanăp măt hađăch, Jêh ri phung rlăng hađăch mra ler ndruyh neh.

Nau Mprơ Ơm 89:17

Yorlah May nơm yơh jêng nau chrêk rmah ma nau ktang khân păng; Yor ma nau yô̆ May yơh, nke hên mra dơi n'gơr hao prêh.

Êsai 26:4

Rnơm nsing hom ma Brah Yêhôva ƀaƀơ n'ho ro, Yorlah Brah Yêhôva, Brah Yêhôva nơm, Jêng lŭ toyh ma lĕ rngôch rnôk rô̆!

Êsai 41:11

Aơ, lĕ rngôch phung ji nuih đah may Mra geh nau bêk prêng jêh ri bu mưch. Phung tâm rdâng đah may Mra jêng dơm dam jêh ri rai yot.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Habakuk 3:19

Kôranh Brah Yêhôva jêng nau dăng gâp, Păng ƀư ma jâng gâp nâm bu jâng jun, Kơl gâp chuat hăn ta klơ yôk prêh. (Nchih ma bunuyh gai phung mprơ jêh ri phung kreh gong rêng)

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 12:5

Rnôk nây, phung kôranh Yuđa mra lah tâm nuih n'hâm khân păng pô aơ: ‘Phung ƀon lan Yêrusalem jêng nau dăng ngăn ma gâp tâm Brah Yêhôva ma phung tahan, jêng Brah Ndu khân păng.’

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Luka 13:17

Dôl Păng ngơi pônây, lĕ rngôch phung tâm rdâng đah Păng bêk da dê, jêh ri lĕ phung ƀon lan răm maak ma lĕ nau khlay ngăn Păng hŏ ƀư.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Yôhan 12:32

Bi ma Gâp, lah bu yông Gâp klơ neh aơ, Gâp mra leo lĕ rngôch bunuyh văch ta Gâp da dê.”

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.