Êsai 45:19 - Nau Brah Ndu Ngơi 2023

¹⁹ “Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 45:19 ပူးပေါင်းရင်းမြစ်များ

I Nau Rêh Jêng 28:8

Pôri aƀaơ, tanăp lĕ rngôch phung Israel, jêng phung tâm rƀŭn Brah Yêhôva, Brah Ndu he gŭ iăt, gâp ntĭnh ma khân may joi hom jêh ri djôt prăp lĕ nau vay Yêhôva Brah Ndu ntăm khân may, gay ma khân may sŏk dơn n'gor ueh aơ jêh ri ăn tay ma phung kon sau khân may ƀư drăp ndơn n'ho ro.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Mprơ Ơm 24:6

Nây jêng noi deh phung tĭng joi Brah Yêhôva, Nây jêng phung tĭng joi muh măt Brah Ndu Yakôb. (Sêla)

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:32

Phung dêh rhêt mra saơ nau nây jêh ri maak; Bi khân may jêng phung joi Brah Ndu, ăn nuih n'hâm khân may bêng ler nau rêh.

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Hôr 1:21

Nau blau mĭn kuăl drơu drơu ta tơm trong; Ngơi ta ntŭk trong lăp mpông ƀon pô aơ:

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 30:5

Lĕ nau Brah Ndu Ngơi dơi geh nau rlong da dê; Păng jêng khêl ma bunuyh rnơm nsing tâm Păng.

Nau Hôr 8:6

Iăt hom, yorlah gâp mra ngơi lĕ nau khlay, Mbung gâp mra ngơi nau di.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 43:12

Gâp yơh hŏ mbơh jêh, tâm rklaih jêh jêh ri hŏ ntĭm nti, Mâu geh ôh brah bu năch ta nklang khân may.” Brah Yêhôva lah: “Khân may jêng phung mbơh ngăn ma Gâp, Jêh ri Gâp jêng Brah Ndu.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 48:16

Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Amôt 5:4

Aơ jêng nau Brah Yêhôva lah ma ngih Israel: “Joi hom Gâp ri mơ khân may mra rêh!

Yôhan 18:20

Brah Yêsu plơ̆ lah: “Gâp hŏ ngơi rah vah jêh ma lĕ rngôch ntil mpôl bunuyh. Gâp vay nti tâm ngih rƀŭn jêh ri tâm ngih brah, ntŭk lĕ rngôch phung Yuđa gŭ rgum, Gâp mâu mâp ngơi du ntil nau ndâp ôh.

Yôhan 7:26

Uănh ri, păng gŭ ngơi mpơl tanăp lĕ rngôch, ƀiălah mâu geh bunuyh lah Păng ôh! Di lĕ phung bunuyh geh nau dơi hŏ gĭt n'hêl nanê̆ ngăn ma păng jêng Brah Krist?

Yôhan 7:28

Nôk Brah Yêsu gŭ ntĭm nti tâm ngih brah, Păng mbơh: “Khân may gĭt Gâp jêh ri gĭt đŏng mbah tă ntŭk Gâp văch! Gâp mâu geh văch êng, ƀiălah Nơm njuăl Gâp văch jêng nau nanê̆ ngăn, khân may mâu gĭt năl Păng.

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Yakơ 4:3

Khân may mbơh sơm dăn ƀiălah mâu sŏk dơn ôh, yorlah khân may dăn mbơh sơm đah nau mĭn mhĭk, gay ŭch dŏng ma nglay săk khân may nơm ŭch.