Êsai 45:18 - Nau Brah Ndu Ngơi 2023

¹⁸ Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 45:18 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Nau Ntơm 1:2

Neh mâu geh rup ôh jêh ri nsoih bŏng, nau ngo nkŭm ta klơ brŏng jru, jêh ri Huêng Ueh Brah Ndu rsong ta klơ n'ha dak.

Nau Ntơm 1:26

Brah Ndu lah: “Ăn He njêng bunuyh tĭng nâm rup He jêh ri tâm ban ma He Nơm, gay ăn khân păng chiă uănh lĕ ntil ka tâm dak mƀŭt, lĕ ntil sĭm klơ trôk, lĕ ntil mpô mpa rong, jêh ri lam neh, ndrel ma lĕ rngôch ntil mpa vơr ta neh.”

Nau Ntơm 1:28

Brah Ndu ăn nau ueh uĭn ma bunuyh jêh ri lah: “Ăn khân may deh kon, ăn bĭk rơ̆ âk râk jêh ri ƀư ăn bêng neh; ƀư hom ăn neh tông bâr, chiă uănh hom ntil ka tâm dak mƀŭt, ntil sĭm mpăr klơ trôk jêh ri lĕ rngôch mpa vơr ta neh.”

Nau Ntơm 9:1

Brah Ndu ăn nau ueh uĭn ma Y-Nôê jêh ri ma phung kon bu klâu păng. Păng lah ma khân păng: “Ăn deh hom, bĭk rơ̆ âk râk, jêh ri ƀư bêng ler neh.

Nau Mprơ Ơm 115:16

Lĕ ndâr trôk jêng ndơ Brah Yêhôva, Ƀiălah Păng ăn neh ntu ma phung kon bunuyh.

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 51:15

Păng yơh jêng Nơm hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Sŏk ma nau gĭt rbăng Lăk huy lĕ ndâr trôk.