Êsai 45:15 - Nau Brah Ndu Ngơi 2023

¹⁵ Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 45:15 ပူးပေါင်းရင်းမြစ်များ

Ndrom Samƀŭt bơh Yôp 10:13

Ƀiălah May pôn lĕ ntil nây tâm nuih n'hâm; Gâp gĭt nau nây jêng nau May mĭn.

Ndrom Samƀŭt bơh Yôp 23:3

Ŭch ma gâp gǐt ta ntŭk dơi joi Kôranh Brah, Gâp mra văch gŭ tanăp sưng hađăch Păng!

Ndrom Samƀŭt bơh Yôp 23:9

Lah Păng pah kan gŭ mpeh pa lơ, gâp mâu dơi ôh mâp Păng; Lah Păng trŭnh mpeh pa dâng, gâp mâu saơ đŏng Păng.

Nau Mprơ Ơm 44:24

Mâm ƀư May pôn măt May? Mâm ƀư may chuêl nau rêh ni jêh ri nau bu tŭn jot hên?

Nau Mprơ Ơm 68:26

“Mât ton tâm rnê hom ma Brah Ndu tâm phung nau tâm rƀŭn, Mât ton hom ma Brah Yêhôva, hơi phung kon sau Israel,”

Nau Mprơ Ơm 77:19

Trong May gŭ tâm dak mƀŭt, Lĕ trong May gŭ tâm dak jru, Bi ma têl jâng May bu mâu dơi saơ ôh.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 43:11

Gâp, Gâp yơk jêng Brah Yêhôva, Rlau ma Gâp, mâu geh Nơm Tâm Rklaih êng ôh.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yôhan 13:7

Brah Yêsu lah: “Aƀaơ, may ê hŏ gĭt rbăng ôh nau Gâp ƀư, ƀiălah nar kăndơ̆ may mra gĭt rbăng.”

Yôhan 4:22

Khân ay yơk mbah ma Nơm khân ay mâu gĭt năl, bi hên yơk mbah ma Nơm hên gĭt năl, yorlah nau tâm rklaih văch tă bơh phung Yuđa.

Yôhan 4:42

Khân păng lah ma bu ur nây pô aơ: “Aƀaơ aơ mâu hôm tă bơh nau ay mbơh dĭng hên chroh, ƀiălah hên tăng nau Păng nơm nkoch, jêh ri gĭt nanê̆ Păng jêng Nơm Tâm Rklaih neh ntu.”

Kôranh Oh Mon 13:23

Ntơm bơh noi deh Y-Đavit, Brah Ndu hŏ n'hao ma phung Israel du huê Nơm Tâm Rklaih, nây jêng Brah Yêsu tâm ban Păng hŏ ton jêh.

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.