Êsai 45:14 - Nau Brah Ndu Ngơi 2023

¹⁴ Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 45:14 ပူးပေါင်းရင်းမြစ်များ

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

II Samuel 21:20

Geh đŏng nau tâm lơh êng ta ƀon Gat, geh du huê bunuyh toyh juat geh prao nglau ti ta ăp mpang ti păng jêh ri geh prao nglau jâng ta ăp jâng păng, lĕ rngôch jêng bar jât ma puăn nglau; păng tâm ban lĕ jêng mpôl ntil Rapha.

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Ndrom Samƀŭt bơh Yôp 1:15

Pônây phung Sêba rduh lăp jêh ri ntŭng lĕ ro. Khân păng nkhĭt lĕ phung oh mon ma đao, knŏng du huê gâp klaih nchuăt sǐt mbơh ma may.”

Ndrom Samƀŭt bơh Yôp 11:19

May mra lâng bê̆ch, mâu geh bunuyh ƀư ăn may klach Jêh ri âk bunuyh dăn nau ueh tă bơh may.

Nau Mprơ Ơm 149:6

Ăn hom nau tâm rnê ma Brah Ndu tâm trôm mbung khân păng, Đao gưm bar măt gŭ tâm ti khân păng

Nau Mprơ Ơm 149:8

Gay chăp phung hađăch khân păng ma rse rvăk Jêh ri nkông phung ndrŏng khân păng ma loih.

Nau Ngluh Êjipt 11:8

Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 18:1

Rêh ni ngăn ma bri neh rtuh năr nteh drơu drơu, Jêng bri neh đah ri dak krong bri Kus;

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Êsai 19:22

Brah Yêhôva mra dong bri Êjipt; jêh dong ƀư bah tay khân păng đŏng. Khân păng mra sĭt ma Brah Yêhôva. Păng mra iăt nau khân păng mbơh sơm jêh ri ƀư bah khân păng.

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 54:3

Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Êsêkiêl 23:42

Tăng bâr drơu drơu phung âk gŭ jŭm ta nây; geh bunuyh dêh rhêt ndrel phung nhŭl ndrănh njŭn leo tă bơh bri rdah; khân păng dok kông ta ti bar hê oh nur ay jêh ri ndô đon hađăch lơp rmah ta klơ bôk.

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Yôel 3:8

Gâp mra jao phung kon bu ur jêh ri phung kon bu klâu khân may ma ti phung ƀon lan Yuđa, jêh ri khân păng mra tăch khân păng ăn ma phung Sabê, ma phung mpôl băl bunuyh gŭ ngai.” Brah Yêhôva lah pônây.

Nau Kơp Bunuyh 13:32

Khân păng nkoch tay ma phung ƀon lan Israel ma n'gor khân păng hăn n'hut uănh jêh jêng mâu ueh, jêh ri lah pô aơ: “N'gor hên hŏ hăn n'hut uănh jêh jêng du n'gor sa rvăn phung ƀon lan păng nơm. Lĕ rngôch phung bunuyh hên saơ lĕ tâm n'gor nây jêng phung juat toyh.

I Kôrintô 14:25

Lĕ nau pôn ndâp tâm nuih n'hâm khân păng mra tâm mpơl; khân păng mra chon mon yơk mbah ma Brah Ndu, jêh ri mbơh pô aơ: Brah Ndu dôl gŭ ndrel ma khân may ngăn ngên.

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.