Êsai 45:13 - Nau Brah Ndu Ngơi 2023

¹³ Gâp nơm yơh hŏ ƀư ăn jêh ma nơm nây n'hao tâm nau sŏng srăng, Jêh ri ƀư ma lĕ rngôch trong păng lâng. Păng mra ndâk tay ƀon toyh Gâp, Jêh ri dơi jêng kon me ma phung ƀon lan Gâp tă bơh bu krŭng Ƀiălah mâu kêh rnoh chuai, mâu đŏng ŭch nau nkhôm,” Brah Yêhôva ma phung tahan lah.

Êsai 45:13 ပူးပေါင်းရင်းမြစ်များ

Êsra 1:3

Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 45:2

“Gâp yơh mra hăn lor panăp măt may, Ƀư lâng lĕ trong nduh ndăp; Ƀư rai lĕ mpông pêr kông, Nkê̆ch lơi mâng loih nđăng.

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 52:5

Brah Yêhôva lah: “Aƀaơ aơ, moh Gâp ƀư? Yorlah phung ƀon lan Gâp hŏ jêng bu nă mâu geh kô̆ mâu geh nau.” Brah Yêhôva lah: “Phung kôranh chiă uănh khân păng nter nđêng, jêh ri bu ngơi sưr ma amoh Gâp, nar aơ tât nar ƀaƀă.

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.