Êsai 44:9 - Nau Brah Ndu Ngơi 2023

⁹ Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Êsai 44:9 ပူးပေါင်းရင်းမြစ်များ

II Phung Hađăch 19:18

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ ma si jêh ri ma lŭ bơh ti kon bunuyh ƀư, pôri bu ƀư rai lơi khân păng.

Nau Mprơ Ơm 115:4

Bi rup brah khân păng ƀư ma prăk jêh ri mah, Jêng kan bơh ti bunuyh ƀư.

Nau Mprơ Ơm 115:8

Mbu nơm ƀư rup brah jêh ri rnơm ma păng Jêng tâm ban khân păng.

Nau Mprơ Ơm 135:18

Mbu nơm ƀư rup brah, Jêh ri mbu nơm rnơm ma khân păng Jêng tâm ban khân păng da dê.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 41:24

Aơ, khân may jêng dơm dam, Nau kan khân may ƀư jêh ăt jêng mâu khlay ôh; Nơm săch khân may dŭt ƀơ̆ ƀơch ngăn!

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 42:17

Bi phung rnơm nsing ma lĕ rup brah, Ngơi ma lĕ rup tŏ chiăr: “Khân may jêng phung brah hên,” Mra rle ndŭr kơi da dê jêh ri bêk brêng âk ngăn!

Êsai 42:18

“Ơ phung tê̆k, gŭ iăt hom; Ơ phung chieh măt, uănh hom jêh ri saơ!

Êsai 43:8

Djôt hom phung ƀon lan aơ luh, phung geh măt ƀiălah chieh, Phung geh tôr ƀiălah tê̆k!

Êsai 43:9

Lĕ rngôch bri dak tâm rgum hom ndrel n'grŭp, Lĕ phung ƀon lan gŭ tâm rƀŭn hom. Mbu tâm phung khân păng dơi mbơh nau aơ, Jêh ri tâm mpơl ma he lĕ nau gĭt tă bơh lor? Ăn khân păng njŭn phung mbơh nau ngăn gay gĭt rah vah khân păng jêng di, Jêh ri ăn bu gŭ iăt jêh ri lah pô aơ: “Nau nây ngăn yơh!”

Êsai 44:11

Aơ, lĕ rngôch phung băl păng mra geh nau bêk prêng; phung pah kan nây jêng knŏng bunuyh dơm. Ăn lĕ rngôch khân păng tâm rƀŭn jêh ri dâk! Khân păng mra klach krit jêh ri bêk prêng da dê.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 57:12

Aơ, Gâp nơm yơh mra mpơl nau ƀư tĭng nau rêh sŏng srăng may, Ƀiălah lĕ nau kan nĕ mâu geh khlay ma may.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Daniel 11:38

Ntrok ta nây, păng yơk mbah ma brah lĕ pôih. Păng sŏk mah, prăk, lŭ khlay jêh ri lĕ ndơ khlay nhhơr ma brah chô yau păng mâu gĭt năl ôh.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 4:28

Ta nây, khân may mra pah kan ma phung brah ƀư ma si jêh ri ƀư ma lŭ, jêng nau kan ti bunuyh ƀư, rĭ dĭng mâu blau saơ, mâu blau tăng, mâu blau sông sa, mâu lĕ blau n'hơp.

Phung Kôranh Phat Dôih 10:14

Hăn vơl dăn hom ma phung brah khân may hŏ săch jêh gay khân păng tâm rklaih khân may dôl nau rêh ni!”