Êsai 44:8 - Nau Brah Ndu Ngơi 2023

⁸ Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 44:8 ပူးပေါင်းရင်းမြစ်များ

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

Nau Ntơm 48:19

Ƀiălah mbơ̆ păng dun jêh ri lah: “Hơi kon, mbơ̆ gĭt rah vah ngăn. Y-Manasê mra dơi jêng du phung ƀon lan jêh ri păng mra jêng toyh đŏng. Ƀiălah oh păng mra jêng toyh lơn ma păng jêh ri noi deh oh păng mra dơi jêng âk mpôl băl bunuyh.”

II Samuel 22:32

Yorlah, Padih Brah Yêhôva, mbu jêng Brah Ndu? Mbu jêng lŭ toyh, tơlah mâu di Brah Ndu hên?

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Nau Mprơ Ơm 18:31

Knŏng Brah Yêhôva, mbu jêng Brah Ndu? Padih Brah Ndu hên, mbu jêng lŭ toyh?

Nau Mprơ Ơm 18:32

Brah Ndu rêt rse bŭt gâp ma nau ktang, Jêh ri ƀư trong gâp dơi nŭm rĭng.

Nau Mprơ Ơm 86:10

Yorlah May dŭt toyh, ƀư nau kan khlay, Knŏng êng May dơm jêng Brah Ndu.

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 26:4

Rnơm nsing hom ma Brah Yêhôva ƀaƀơ n'ho ro, Yorlah Brah Yêhôva, Brah Yêhôva nơm, Jêng lŭ toyh ma lĕ rngôch rnôk rô̆!

Êsai 30:29

Aƀaơ, khân may mra mprơ tâm ban ma tâm măng bu ƀư nau rƀŭn kloh ueh. Khân may mra geh nuih n'hâm maak tâm ban ma nơm uh n'hôm hăn hao ta klơ yôk Brah Yêhôva, văch ma Lŭ Toyh Israel.

Êsai 41:23

Mbơh hom ma hên lĕ nau mra tât ta kăndơ̆, Gay ma hên dơi gĭt khân may jêng phung brah; Ƀư ăn nau ueh mâu lah ƀư mhĭk, Gay ma he saơ ndrel jêh ri hih rhâl.

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 43:11

Gâp, Gâp yơk jêng Brah Yêhôva, Rlau ma Gâp, mâu geh Nơm Tâm Rklaih êng ôh.

Êsai 43:12

Gâp yơh hŏ mbơh jêh, tâm rklaih jêh jêh ri hŏ ntĭm nti, Mâu geh ôh brah bu năch ta nklang khân may.” Brah Yêhôva lah: “Khân may jêng phung mbơh ngăn ma Gâp, Jêh ri Gâp jêng Brah Ndu.

Êsai 43:9

Lĕ rngôch bri dak tâm rgum hom ndrel n'grŭp, Lĕ phung ƀon lan gŭ tâm rƀŭn hom. Mbu tâm phung khân păng dơi mbơh nau aơ, Jêh ri tâm mpơl ma he lĕ nau gĭt tă bơh lor? Ăn khân păng njŭn phung mbơh nau ngăn gay gĭt rah vah khân păng jêng di, Jêh ri ăn bu gŭ iăt jêh ri lah pô aơ: “Nau nây ngăn yơh!”

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Êsai 48:3

“Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Êsai 48:5

Rĭ dĭng Gâp mbơh jêh lĕ nau nây ma may bơh kăl e, Gâp mbơh jêh ăn may gĭt êlor ma nau nây tât ngăn, Klach lah may lah: ‘Rup brah gâp ƀư jêh lĕ nau nây; Rup gâp trah jêh ri rup gâp tŏ chiăr ntăm jêh nau nây.’

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Yôhan 10:30

Gâp đah Mbơ̆ jêng nguay.”

Yôhan 6:10

Brah Yêsu lah: “Ntăm hom ma lĕ rngôch bunuyh gŭ.” Ta ntŭk nây geh âk gơ̆. Pôri phung ƀon lan gŭ, rnoh bunuyh klăp lah prăm rbăn bunuyh.

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.