Êsai 44:5 - Nau Brah Ndu Ngơi 2023

⁵ Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Êsai 44:5 ပူးပေါင်းရင်းမြစ်များ

II Nau Rêh Jêng 36:23

“Y-Sirus, hađăch Persi lah pô aơ: ‘Yêhôva Brah Ndu klơ trôk, ăn jêh ma gâp lĕ rngôch ƀon bri hađăch ta neh ntu; Păng yơh đă gâp ndâk ăn ma Păng du rplay ngih brah ta ƀon Yêrusalem, tâm n'gor Yuđa. Pôri tâm phung khân may, mbu moh jêng phung ƀon lan Păng, hăn hao hom ma ƀon Yêrusalem. Dăn Yêhôva Brah Ndu gŭ ndrel ma păng!’”

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Mprơ Ơm 116:16

Ơ Brah Yêhôva, gâp jêng oh mon May; Nanê̆ gâp jêng oh mon May, kon bu klâu oh mon bu ur May; May doh jêh loih nkông gâp.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Yêrêmi 32:10

Gâp nchih samƀŭt nau nkol, tâp pŏng păng, jă bunuyh mbơh gĭt nanê̆ jêh nây veh prăk ta klơ njing.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

II Kôrintô 8:5

Khân păng hŏ ƀư rlau nau hên kâp gân; yorlah lor lơn khân păng hŏ nhhơr khân păng nơm ma Kôranh Brah jêh ri ma hên, tĭng nâm nau mĭn Brah Ndu ŭch.

Galati 6:16

Dăn nau đăp mpăn jêh ri nau yô̆ nđach jŭr ma lĕ rngôch mbu nơm ƀư tĭng nau vay nây, jêh ri ta phung Israel Brah Ndu đŏng!

Galati 6:17

Ŭch ngăn ntơm bơh aƀaơ tât kăndơ̆, mâu geh mbu nơm ƀư rsuak gâp đŏng, yorlah gâp djôt lĕ têl Brah Yêsu ta klơ săk jăn gâp.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.