Êsai 44:3 - Nau Brah Ndu Ngơi 2023

³ Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 44:3 ပူးပေါင်းရင်းမြစ်များ

Ndrom Samƀŭt bơh Yôp 5:25

May gĭt phung kon sau may mra âk râk, Jêh ri noi deh may âk nâm bu gơ̆ tâm mir.

Nau Mprơ Ơm 107:35

Păng tâm rgâl bri rdah jêng dak nglao, Neh sơh jêng tu dak.

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Êsai 27:3

“Gâp yơh, Brah Yêhôva jêng Nơm mât mray păng, Djrah dak ma păng ƀaƀơ. Gâp mât mray păng, nar jêh ri măng, Klach bu ƀư mhĭk ma păng.

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 48:19

Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Êsêkiêl 47:8

Păng lah ma gâp: “N'hong dak aơ hoch tât mpeh luh nar jŭr ntŭk neh lâng jêh ri hoch rlet dak mƀŭt, jêh ri tơlah hŏ hoch jêh rlet ma dak mƀŭt pôri dak mƀŭt ri rgâl jêng rsang.

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Yôel 3:1

“Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 12:43

Tơlah brah ƀơ̆ ƀơch luh bơh du huê bunuyh, păng hăn rgăn lĕ ntŭk kro đang, joi ntŭk rlu, ƀiălah mâu dơi joi ôh.

Kôranh Oh Mon 10:45

Phung chroh geh nau koh ntâu jêh, jêng phung bunuyh hăn ndrel ma Y-Pêtrôs, hih rhâl ngăn yorlah ndơ Brah Huêng Ueh nkhŭt đŏng ta phung bu năch tâm ban lĕ.

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.