Êsai 44:27 - Nau Brah Ndu Ngơi 2023

²⁷ Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Êsai 44:27 ပူးပေါင်းရင်းမြစ်များ

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Êsai 42:15

Gâp mra ƀư rai yôk jêh ri gôl, Gâp mra ƀư nhop kro lĕ rngôch gơ̆ ndrêh; Gâp mra tâm rgâl dak krong jêng gôl dak mƀŭt, Ƀư ma lĕ dak nglao suăt kro da dê.

Êsai 43:16

Brah Yêhôva, Nơm hŏ pơk trong tâm dak mƀŭt, Jêh ri ntĭm ndô̆ rgăn tâm n'hor dak dăng;

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 51:15

Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Yêrêmi 50:38

Ăn prăng phang ta klơ n'hor dak krong, Ƀư ma khân păng suăt kro! Yorlah bri nây bêng ma rup trah, Khân păng rluk yor rup brah.

Yêrêmi 51:32

Lĕ mbong dak lĕ bu sŏk da dê jêh, Lĕ tŭk djut rpho treng lĕ ŭnh sa jêh, Phung tahan klach nsâr ngăn.”

Yêrêmi 51:36

Yor nây, Brah Yêhôva lah: “Aơ, Gâp mra koh dŏng may, Plơng bôk ăn ma may. Gâp mra ƀư suăt lơi dak mƀŭt păng Jêh ri tu dak păng suăt kro;

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.