Êsai 44:26 - Nau Brah Ndu Ngơi 2023

²⁶ Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 44:26 ပူးပေါင်းရင်းမြစ်များ

II Phung Hađăch 7:16

Phung ƀon lan hăn luh ro jêh ri sŏk pit lĕ ndô ndơ tâm pôih phung tahan Aram. Yor ri pơh lit rnih môi tăch jât ma nguay gram prăk, jêh ri jât ma puăn lit ba ôrgơ tăch đŏng jât ma nguay gram prăk, di tĭng nâm nau Brah Yêhôva ngơi jêh.

II Phung Hađăch 7:18

Di ngăn, tơlah bunuyh Brah Ndu hŏ ngơi ma hađăch pô aơ: “Nar ôi taơ, ta mông aơ, ta mpông ƀon Samari, jât ma puăn lit ba ôrgơ mra tăch jât ma nguay gram prăk, jêh ri pơh lit rnih môi tăch đŏng jât ma nguay gram prăk,”

II Phung Hađăch 7:20

Jêh ri nau nây hŏ tât ma kôranh nây di nâm kơt nĕ, phung ƀon lan jot păng khĭt ta mpông ƀon.

Êsra 2:70

Pôri, phung kôranh ƀư brah, phung Lêvi, phung ƀaƀă ƀon lan êng, phung kâp mprơ, phung mât njrăng mpông pêr, phung pah kan tâm ngih brah, plơ̆ sĭt gŭ tâm ƀon khân păng, jêh ri lĕ rngôch phung Israel hôm e plơ̆ sĭt đŏng gŭ tâm ƀon khân păng nơm.

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Nau Mprơ Ơm 69:35

Yorlah Brah Ndu mra tâm rklaih Siôn Jêh ri rdâk njêng tay lĕ ƀon Yuđa. Ƀon lan Păng mra gŭ ta nây jêh ri khân păng mra pit sŏk păng.

Nau Mprơ Ơm 69:36

Noi deh phung oh mon Păng mra dơn drăp nây; Jêh ri bu nơm rŏng ma amoh Păng mra gŭ ta nây.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 42:19

Mbu nơm chieh măt, tơlah mâu di jêng oh mon Gâp? Mbu nơm tê̆k tâm ban ma nơm mbơh Gâp hŏ njuăl hăn? Mbu nơm chieh măt tâm ban ma nơm prăp ăn jêh Gâp, Mâu lah chieh măt tâm ban ma oh mon Brah Yêhôva?

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 54:3

Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsai 60:10

Phung bu năch mra rdâk tay mpêr ƀon may, Phung hađăch khân păng mra pah kan ma may. Yorlah tâm nau Gâp ji nuih, Gâp hŏ dong may, Ƀiălah aơ Gâp lŏ yô̆ ma may, tĭng nau yô̆ Gâp.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 28:9

Bi ma nơm mbơh lor mbơh nau đăp mpăn, nau mbơh lor nây mbơh tât di ngăn, pôri mra gĭt nau mbơh lor nây n'hêl nanê̆ ngăn bơh Brah Yêhôva ăn tât!”

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Êsêkiêl 36:10

Ta klơ neh khân may, Gâp mra ntop ăn bĭk rơ̆ bunuyh lĕ rngôch ngih Israel. Lĕ rngôch ƀon toyh mra geh bunuyh gŭ, lĕ rngôch ntŭk lĕ rlâm rai nchah mra rdâk njêng tay đŏng.

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Daniel 9:12

May ƀư ngăn jêh lĕ nau mbơh ma hên jêh ri lĕ phung kôranh phat dôih hŏ phat dôih jêh hên, nkhŭt nau rêh ni toyh ta klơ hên, nkrit toyh kŏ tât lam neh ntu mâu mâp geh ôh nau mhĭk tâm ban nau mhĭk hŏ ăn tât jêh ta klơ ƀon Yêrusalem.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Sakari 1:17

Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Luka 24:44

Brah Yêsu lah: “Aơ jêng lĕ nau Gâp hŏ ntăm jêh ma khân may, dôl Gâp hôm gŭ ndrel ma khân may: Lĕ nau bu nchih ma Gâp tâm Nau Vay Y-Môis, tâm lĕ ndrom samƀŭt Mbơh Lor, jêh ri tâm ndrom samƀŭt Nau Mprơ Ơm dơi tât di ngăn.”