Êsai 44:13 - Nau Brah Ndu Ngơi 2023

¹³ Nơm trah si nthăng rse veh, dŏng klo kach rup, păng trah si ma mpu, dŏng kômpa nchih rup kon bunuyh, jêh ri ƀư rup bunuyh ueh, n'gân păng gŭ tâm ngih.

Êsai 44:13 ပူးပေါင်းရင်းမြစ်များ

Nau Ntơm 31:19

Tâm nôk Y-Laban hăn nkăp rsau biăp, H'Rachel ntŭng lĕ rup brah tâm ngih mbơ̆ păng.

Nau Ntơm 31:30

Aƀaơ, yorlah may ŭch ngăn plơ̆ sĭt ma n'gor bu deh may rĭ dĭng may hăn, ƀiălah mâm ƀư may ntŭng lĕ rup brah gâp?”

Nau Ntơm 31:32

Bi lah may joi saơ lĕ rup brah tâm may ta mbu nơm djôt, nơm nây mra khĭt. Aƀaơ aơ, tanăp măt phung mpôl băl he, ăn may sek uănh lĕ ndơ gâp, moh ndơ may de, dăn may sŏk sĭt lơi.” Y-Yakôb mâu gĭt ôh H'Rachel hŏ sŏk ntŭng jêh lĕ rup brah nây.

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

Êsai 41:7

Nơm trah meh n'hao nuih nơm chiăr prăk, Nơm tôp n'hao nuih nơm chiăr; Khân păng lah ma mâng han pô aơ: “Păng jêng ueh jêh!” Jêh nây sŏk kđĭn pâng gay rup mâu n'goh n'gơ.

Êsai 44:14

Păng kăl si sêdar; mâu lah săch tơm si têrêbin, tơm si guyh, jêh ri ăn păng văch ma toyh tâm krŏng. Păng tăm tơm si n'ho, jêh nây dak mih ăn păng văch ma toyh.

Êsêkiêl 8:10

Pônây gâp chuat lăp jêh ri uănh saơ, ri, jŭm mpêr geh kach nsêr ăp ntil rup brah mpa vơr jêh ri mpô mpa ƀơ̆ ƀơch, lĕ rngôch rup brah ngih Israel.

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Kôranh Oh Mon 17:29

Pônây, jêng ndŭl mpôl Brah Ndu, he lơi mĭn Nơm Brah jêng tâm ban ma rup brah ma mah, prăk, mâu lah lŭ bơh nau blau jan jêh ri nau blau mĭn bơh kon bunuyh ƀư.

Samƀŭt Pôl Njuăl Ăn Ma Phung Nsing Ta Ƀon Rôm 1:23

Khân păng tâm rgâl nau chrêk rmah Brah Ndu mâu blau khĭt gay ma sŏk rup kon bunuyh blau ôm rai, mâu lah rup sĭm, mpô mpa, mâu lah ntil mpa vơr.

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 4:28

Ta nây, khân may mra pah kan ma phung brah ƀư ma si jêh ri ƀư ma lŭ, jêng nau kan ti bunuyh ƀư, rĭ dĭng mâu blau saơ, mâu blau tăng, mâu blau sông sa, mâu lĕ blau n'hơp.

Phung Kôranh Phat Dôih 18:24

Y-Mika plơ̆ lah: “Khân may ntŭng phung brah gâp hŏ ƀư ndrel kôranh ƀư brah, jêh ri leo hăn du. Moh ndơ hôm e ma gâp nơm? Mâm khân may hôm ôp đŏng ma gâp ‘moh ndơ ƀư?’”