Êsai 44:12 - Nau Brah Ndu Ngơi 2023

¹² Nơm chiăr sŏk du njăr loih gŭch sĭn jêh ta klơ rnga ŭnh, jêh ri dŏng me nôp gay ƀư rup; păng pah kan ma ti ktang păng. Nđâp lah ji ngot jêh ri mâu hôm dăng, păng mâu nhêt dak ôh, jêh ri rgănh huơi.

Êsai 44:12 ပူးပေါင်းရင်းမြစ်များ

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Êsai 40:19

Dôl bu tŏ rup brah Nơm chiăr prăk mblum păng ma mah, Jêh ri tŏ lĕ rse rvăk rhên ma prăk ma Păng.

Êsai 40:20

Nơm o ach ngăn mâu dơi geh rup tŏ ôh Pôri păng săch tơm si mâu blau ôm, Jêh ri joi du huê bunuyh blau ueh Gay ndâk du rup nâp ktang.

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Sakari 1:20

Jêh nây, Brah Yêhôva mpơl ma gâp saơ puăn nuyh blau chiăr.

Nau Vay Nkah Tay 4:28

Ta nây, khân may mra pah kan ma phung brah ƀư ma si jêh ri ƀư ma lŭ, jêng nau kan ti bunuyh ƀư, rĭ dĭng mâu blau saơ, mâu blau tăng, mâu blau sông sa, mâu lĕ blau n'hơp.