Êsai 44:1 - Nau Brah Ndu Ngơi 2023

¹ Aƀaơ aơ ơ phung Yakôb, oh mon Gâp, Ơ Israel Gâp hŏ săch jêh, iăt hom!

Êsai 44:1 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Mprơ Ơm 136:22

Jêng drăp ndơn ma phung Israel jêng oh mon Păng, Yor nuih n'hâm ueh Păng hôm tât n'ho ro.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 41:9

Gâp hŏ kuăn jêh may bơh bôl bri neh, Kuăl jêh may tă bơh bri ngai Jêh ri lah ma may pô aơ: “May jêng oh mon Gâp, Gâp hŏ săch jêh may, mâu chalơi may ôh.”

Êsai 42:23

Mbu nơm tâm phung khân may rkêng tôr iăt ma nau aơ, Mbu nơm rkêng tôr iăt gay ma gĭt lĕ nau mra tât tâm nar kăndơ̆?

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 44:21

Ơ phung Yakôb, ăn khân may kah gĭt hom ma nau aơ! Ơ phung Israel, yorlah may jêng phung oh mon Gâp. Gâp njêng jêh may, may jêng oh mon Gâp; Ơ phung Israel, Gâp mâu mra chuêl may ôh.

Êsai 45:4

Yorlah Yakôb, oh mon Gâp, Jêh ri Israel, nơm Gâp hŏ săch jêh, Yor ri Gâp hŏ kuăl amoh may, Gâp hŏ ăn ma may du ntil ndơ bu gĭt năl, nđâp lah may mâu năl Gâp ôh.

Êsai 48:12

Ơ Yakôb jêng phung Israel, phung Gâp kuăl jêh, Iăt hom Gâp! Gâp yơh jêng Nơm nây; Gâp jêng lor lơn jêh ri nglĕ dŭt.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.