Êsai 43:9 - Nau Brah Ndu Ngơi 2023

⁹ Lĕ rngôch bri dak tâm rgum hom ndrel n'grŭp, Lĕ phung ƀon lan gŭ tâm rƀŭn hom. Mbu tâm phung khân păng dơi mbơh nau aơ, Jêh ri tâm mpơl ma he lĕ nau gĭt tă bơh lor? Ăn khân păng njŭn phung mbơh nau ngăn gay gĭt rah vah khân păng jêng di, Jêh ri ăn bu gŭ iăt jêh ri lah pô aơ: “Nau nây ngăn yơh!”

Êsai 43:9 ပူးပေါင်းရင်းမြစ်များ

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Êsai 34:1

Hơi lĕ bri dak văch dăch hom, gay tăng, Ơ phung ƀon lan, rkêng tôr iăt hom! Rplay neh jêh ri lĕ rngôch ndơ tâm păng, Neh ntu jêh ri lĕ mpa luh bơh păng, Rkêng tôr hom!

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 43:26

Nkah hom ăn ma Gâp kah gĭt, Ăn he tâm rlăch ndrel n'grŭp; Tâm mpơl hom nau di khân may mĭn gay mpơl khân may jêng sŏng

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 48:14

Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Êsai 48:3

“Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Yôel 3:11

Hơi lĕ rngôch bri dak gŭ jŭm, văch gơnh hom jêh ri tâm rgum ta nây! “Ơ Brah Yêhôva, dăn njuăl lĕ phung tahan ktang May trŭnh ta nây!”