Êsai 43:7 - Nau Brah Ndu Ngơi 2023

⁷ Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 43:7 ပူးပေါင်းရင်းမြစ်များ

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 48:11

Yor ma Gâp nơm, yor ma Gâp nơm yơh, Gâp mra ƀư nau nây, Mâm ƀư Gâp ăn bu ƀư ƀơ̆ amoh Gâp? Gâp mâu mra ăn ôh nau chrêk rmah Gâp ma brah êng.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 63:19

Jŏ jêh, hên jêng jêh tâm ban ma phung May mâu mâp chiă uănh, Jêh ri mâu hôm geh kuăl amoh May đŏng ôh.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Daniel 9:18

Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Daniel 9:19

Ơ Kôranh Brah, iăt hom! Ơ Kôranh Brah, yô̆ an hom! Ơ Kôranh Brah, uănh ntreng hom jêh ri ƀư! Ơ Brah Ndu gâp, yor amoh May, lơi ta rlu; yorlah ƀon May jêh ri phung ƀon lan May dơi rnha jêh ma amoh May!”

Amôt 9:12

Gay ma khân păng pit in lơi phung hôm klen tâm Êđôm Jêh ri lĕ rngôch bri dak dơi kuăl tâm amoh Gâp.” Brah Yêhôva lah; Păng yơh mra ƀư lôch lĕ ntil nau aơ.

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Kôranh Oh Mon 11:26

nôk dơi joi jêh, păng njŭn leo Y-Sôl ta ƀon Antiôs. Bar hê bunuyh tâm rƀŭn ndrel ma Phung Ngih Brah Ndu jêh ri ntĭm nti âk bunuyh tâm du năm. Ta ƀon Antiôs ro, bu ntơm kuăl phung oh mon jêng Phung Brah Krist.

Samƀŭt Pôl Njuăl Ăn Ma Phung Nsing Ta Ƀon Rôm 9:23

Tơlah Păng ŭch tâm mpơl nau ndrŏng nau chrêk rmah Păng đah lĕ yăng khư yô̆ nđach, Păng hŏ ndrăp lor ma nau chrêk rmah,

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Êphêsô 1:12

gay ma he, jêng phung bunuyh lor lơn kâp gân tâm Brah Krist, tâm rnê ma nau chrêk rmah Păng.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Yakơ 2:7

Mâu di hĕ khân păng jêng nơm ngơi djơh tât amoh dŭt khlay khân may kuăl jêh?

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.