Êsai 43:3 - Nau Brah Ndu Ngơi 2023

³ Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 43:3 ပူးပေါင်းရင်းမြစ်များ

Nau Ntơm 10:7

Phung kon bu klâu Y-Kus jêng Y-Sêba, Y-Havila, Y-Sapta, Y-Rama jêh ri Y-Saptêka; phung kon bu klâu Y-Rama jêng Y-Sêba jêh ri Y-Dêdan.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Ngluh Êjipt 10:7

Phung oh mon Pharaôn lah ma păng: “Ndah nâm jŏ bunuyh aơ jêng dăk sân ma he? Ăn phung ƀon lan nây hăn hom gay ma khân păng dơi pah kan ma Yêhôva Brah Ndu khân păng! Hađăch ê hŏ gĭt ƀơh n'gor Êjipt dôl geh nau roh rai?”

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Hôr 11:8

Bunuyh sŏng srăng dơi rklaih bơh nau rung răng, Bi bunuyh djơh mhĭk ntrok ntŭk păng.

Nau Hôr 21:18

Phung djơh mra jêng rnoh chuai ăn ma bunuyh sŏng srăng, Jêh ri bunuyh mƀruh rlăm ntrok ntŭk ma bunuyh sŏng.

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 20:3

Brah Yêhôva lah tay: “Tâm ban ma oh mon Gâp jêng Y-Êsai hŏ hăn săk hưl jêh ri jâng dơm tâm pe năm jêng du nau tâm mbên jêh ri nau mbơh ma bri Êjipt jêh ri ma bri Kus,

Êsai 30:11

Du hom tă bơh trong, chalơi ndô̆, Lơi dĭng nkoch Nơm Kloh Ueh Israel tanăp măt hên!”

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 43:11

Gâp, Gâp yơk jêng Brah Yêhôva, Rlau ma Gâp, mâu geh Nơm Tâm Rklaih êng ôh.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Yêrêmi 16:21

“Yor nây, Gâp mra ăn ma khân păng gĭt, Nanê̆, tơ̆ aơ Gâp mra nti ăn khân păng gĭt Nau ktang jêh ri nau brah Gâp. Jêh ri khân păng mra gĭt Amoh Gâp jêng Yêhôva.”

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Ndrom Samƀŭt bơh Ôsê 13:4

Gâp yơh jêng Yêhôva Brah Ndu may Nơm njŭn leo may du luh tă bơh n'gor bri Êjipt; Padih Gâp, may lơi sŏk dơn brah êng ôh, Mâu geh ôh Nơm Tâm Rklaih êng, knŏng êng Gâp!

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Amôt 9:7

Kôranh Brah Yêhôva lah: “Hơi phung kon sau Israel, mâu di hĕ Gâp uănh khân may nâm bu kon sau phung Êthiôpi lĕ? Mâu di Gâp ngluh khân may luh du tă bơh n'gor bri Êjipt, Phung Philistin luh bơh bri Kaptôr, Jêh ri phung Siri luh bơh bri Kir?

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Yuđas 1:25

jêng Brah Ndu knŏng nguay, Nơm Tâm Rklaih he, ma Brah Yêsu Krist, Kôranh Brah he, geh nau tâm rnê, nau rnam, nau ktang jêh ri nau dơi ntơm bơh lĕ rngôch rnôk lor, aƀaơ aơ jêh ri ma tât n'ho ro! Amen.