Êsai 43:21 - Nau Brah Ndu Ngơi 2023

²¹ Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 43:21 ပူးပေါင်းရင်းမြစ်များ

Nau Mprơ Ơm 102:18

Nchih hom nau aơ tât tâm rnôk kăndơ̆, Gay du mpôl băl bunuyh kăndơ̆ mra mprơ tâm rnê ma Brah Yêhôva.

Nau Mprơ Ơm 102:19

Yorlah Păng uănh, bơh ntŭk kloh ueh prêh klơ, Bơh klơ trôk, Păng sek uănh ta neh ntu.

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Êsai 42:12

Nhhơr hom nau chrêk rmah ma Brah Yêhôva, Jêh ri mbơh nau tâm rnê ma Kôranh Brah tâm lĕ rngôch gôl dak mƀŭt.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 50:7

Kôranh Brah jêng Brah Yêhôva mra kơl Gâp, Yor ri Gâp mâu geh nau bêk ôh; Yor nây, Gâp ƀư muh măt Gâp kranh tâm ban ma lŭ, Yorlah Gâp gĭt, Gâp mâu geh du ntil ndơ bêk ôh.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 13:11

Brah Yêhôva lah tay: “Yorlah, nâm bu rse rêt nâp mâm ta bŭt bu, pôri yơh Gâp ăt rêt nâp lĕ rngôch ngih Israel jêh ri lĕ rngôch ngih Yuđa đah Gâp kơt nây lĕ, gay ma khân păng ƀư du phung ƀon lan, du amoh, du nau tâm rnê, du nau chrêk rmah ăn ma Gâp; Ƀiălah khân păng mâu ŭch iăt ôh.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

Kôlôh 1:16

Yorlah tâm Păng lĕ rngôch ndơ klơ trôk, tâm neh ntu, ndơ saơ mâu lah ndơ mâu saơ dơi rhăk njêng da dê. Mâu lah sưng hađăch, mâu lah nau chiă uănh, mâu lah phung kôranh chiă uănh, mâu lah kôranh toyh, lĕ rngôch yor Păng njêng da dê jêh, jêh ri prăp ma Păng lĕ.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.