Êsai 43:2 - Nau Brah Ndu Ngơi 2023

² Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 43:2 ပူးပေါင်းရင်းမြစ်များ

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 66:10

Yorlah Brah Ndu ah, May rlong uănh jêh hên, May krĕt hên tâm ban ma krĕt prăk.

Nau Mprơ Ơm 66:12

May ăn bu ncho ta klơ bôk hên; Hên hăn rgăn ŭnh, rgăn dak, Ƀiălah May njŭn leo hên ta ntŭk ndrŏng ngăn.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Ngluh Êjipt 14:29

Bi phung ƀon lan Israel rgăn dak mƀŭt nâm bu hăn ta neh sơh, dak jêng pêr pa ma jêh ri pa chiau khân păng.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Daniel 3:23

Bi pe nuyh jêng Y-Sadrak, Y-Mêsăk, Y-Abetnêgô, hôm e chăp tŭp ta nklang năk ŭnh hit.

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

II Timôthê 4:22

Dăn Kôranh Brah gŭ ndrel ma huêng may! Dăn nau yô̆ gŭ ndrel ma khân may!

ហេឞ្រើ 11:29

Yor ma nau chroh, phung Israel rgăn Dak Mƀŭt Chăng nâm bu hăn ta ntŭk neh sơh, bi phung Êjipt srôih hăn rgăn, lĕ rngôch khân păng ngâm tâm dak da dê.

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”