Êsai 43:13 - Nau Brah Ndu Ngơi 2023

¹³ Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Êsai 43:13 ပူးပေါင်းရင်းမြစ်များ

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Ndrom Samƀŭt bơh Yôp 9:12

Ri, Păng sŏk lơi jêh, mbu nơm geh tay? Mbu nơm dơi ôp păng: ‘Moh ndơ Kôranh Brah ƀư nây?’

Nau Mprơ Ơm 102:28

Kon sau phung oh mon May mra hôm gŭ mro, Noi deh khân păng mra gŭ nâp tanăp măt May.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Mprơ Ơm 93:2

Sưng hađăch May njêng nâp jêh bơh rnôk kăl e; May gŭ bơh n'ho ro.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nau Hôr 8:23

Bu hŏ njêng Gâp ntơm bơh kăl e dŭt ngăn, Ntơm saơm, êlor geh rplay neh.

Êsai 14:27

Yorlah Brah Yêhôva ma phung tahan hŏ dăp jêh Mbu nơm chalơi? Ti Păng yơr jêh Mbu nơm dơi rhuăt lơi?

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 46:4

Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Êsai 48:16

Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Ndrom Samƀŭt bơh Ôsê 2:10

Rnôk nây Gâp mra tâm mpơl nau bêk prêng păng Tanăp măt phung rŏng păng, Jêh ri mâu geh bunuyh dơi tâm rklaih păng bơh ti Gâp.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!

Nau Kơp Bunuyh 23:20

Aơ, gâp sŏk dơn jêh nau ntăm ăn nau ueh uĭn; Păng hŏ ăn nau ueh uĭn jêh, gâp mâu dơi rgâl nau nây ôh.

Yôhan 8:58

Brah Yêsu plơ̆ lah: “Nanê̆ ngăn, Gâp lah ngăn ma khân may, êlor geh Y-Abraham, Gâp hŏ geh jêh.”

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Nau Vay Nkah Tay 28:31

Bu mra sreh ndrôk khân may tanăp măt khân may, ƀiălah khân may nơm mâu dơi sa păng ôh. Bu mra nhŭp pit seh bri khân may tanăp muh măt khân may ƀiălah mâu mra mplơ̆ ma khân may ôh. Bu mra ăn biăp khân may ma phung rlăng khân may, ƀiălah mâu geh ôh nơm kơl rklaih an khân may.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

Yôsuê 2:2

Bu mbơh ma hađăch Yêrikô pô aơ: “Hơi hađăch, măng aơ geh phung bunuyh Israel tât jêh gay hăn n'hut uănh n'gor.”

Nau Tâm Mpơl 1:8

Kôranh Brah jêng Brah Ndu, NƠM AɃAƠ AƠ, HŎ GEH JÊH RI DÔL VĂCH, jêng Nơm Geh Lĕ Nau Brah lah pô aơ: “Gâp jêng Alpha jêh ri Ômêga.”