Êsai 43:12 - Nau Brah Ndu Ngơi 2023

¹² Gâp yơh hŏ mbơh jêh, tâm rklaih jêh jêh ri hŏ ntĭm nti, Mâu geh ôh brah bu năch ta nklang khân may.” Brah Yêhôva lah: “Khân may jêng phung mbơh ngăn ma Gâp, Jêh ri Gâp jêng Brah Ndu.

Êsai 43:12 ပူးပေါင်းရင်းမြစ်များ

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 37:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Nau Vay Nkah Tay 32:12

Knŏng du huê Brah Yêhôva dơm njŭn phung ƀon lan Păng Mâu geh ôh brah êng ndrel ma Păng,

Nau Vay Nkah Tay 32:16

Khân păng yơk mbah phung brah bu năch ƀư ăn Păng ji nuih đah phung brah nây Ƀư nau kan ƀơ̆ ƀơch gay nsônh nau ji nuih Păng.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.