Êsai 42:5 - Nau Brah Ndu Ngơi 2023

⁵ Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 42:5 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Ndrom Samƀŭt bơh Yôp 12:10

Păng kuăn tâm ti nau rêh lĕ rngôch mpô mpa rêh Jêh ri n'hâm nsôr lĕ rngôch kon bunuyh.

Ndrom Samƀŭt bơh Yôp 27:3

Moh nar n'hâm nsôr hôm e tâm gâp, Jêh ri n'hâm rêh bơh Brah Ndu hôm gŭ tâm trôm muh gâp,

Ndrom Samƀŭt bơh Yôp 33:4

Huêng Brah Brah Ndu rhăk njêng jêh gâp, N'hâm nsôr bơh Nơm Geh Lĕ Nau Brah ăn ma gâp nau rêh.

Ndrom Samƀŭt bơh Yôp 34:14

Tơlah Păng knŏng mĭn rvê êng ma Păng nơm, Sŏk sĭt huêng brah jêh ri n'hâm nsôr ma Păng,

Nau Mprơ Ơm 136:6

Nơm lăk jêh neh ta klơ dak, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 96:5

Yorlah lĕ rngôch brah phung ăp mpôl bunuyh jêng rup brah, Bi Brah Yêhôva rhăk jêh lĕ ndâr trôk.

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 40:12

Mbu nơm sŏk jêh mpang ti veh dak mƀŭt, Sŏk nđam ti gay veh lĕ ndâr trôk? Mbu nơm hŏ sŏk du ndơ veh gay veh ndruyh neh? Mbu nơm hŏ dŏng njing gay nhueh yôk? Jêh ri dŏng njing mpan gay veh gôl yôk?

Êsai 40:22

Păng yơh jêng Nơm gŭ ta klơ đôr nkŭm rplay neh, Jêh ri phung gŭ tâm neh ntu jêng tâm ban ma krah ndrach. Păng jêng Nơm pơk lĕ ndâr trôk tâm ban ma du bok nching Jêh ri nthăng khân păng tâm ban ma ngih bok gay gŭ.

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 27:5

‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 38:16

Hađăch Sêdêkia ton săk ma nau ndâp ma Y-Yêrêmi pô aơ: “Tĭng nâm Brah Yêhôva gŭ rêh mro mrăng, jêng Nơm hŏ rhăk njêng jêh huêng he, gâp mâu mra nkhĭt may ôh, jêh ri mâu jao may ma ti phung joi ngroh lơi nau rêh may ôh.”

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Amôt 9:6

Kôranh Brah hŏ ndâk jrô Păng tâm lĕ ndâr trôk, Jêh ri ndâk rvang Păng ta klơ neh. Păng kuăl dak mƀŭt Jêh ri nkhŭt ta klơ neh. Amoh Păng jêng Brah Yêhôva.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.