Êsai 42:25 - Nau Brah Ndu Ngơi 2023

²⁵ Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 42:25 ပူးပေါင်းရင်းမြစ်များ

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

Ndrom Samƀŭt bơh Yôp 40:11

Uănh hom, bar pŭng vĕ păng bêng ma nau dăng ngăn, Jreng ndŭl păng nau dăng nâp ngăn.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Yêrêmi 12:11

Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Nau Nhĭm Vơl 2:3

Tâm nau ji nuih hâu ngăn, Păng koh lĕ rngôch nke phung Israel. Păng rhuăt lơi mpang ti pa ma, Dôl phung rlăng rduh lơh. Nâm bu chiông ŭnh hit Păng hŏ su jêh ta nklang bri Yakôb, Ŭnh sa lĕ rngôch ndơ gŭ jŭm.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Êsêkiêl 20:34

Gâp mra leo khân may du luh tă bơh phung ƀon lan êng; Gâp mra sŏk ti ktang, yơr nting tur ti jêh ri nau ji nuih nkhŭt gay rgum khân may tă bơh lĕ rngôch bri dak khân may nchah rai pru pra jêh tâm nây.

Ndrom Samƀŭt bơh Ôsê 7:9

Phung bu năch hŏ rvăn jêh lĕ n'hâm suan păng Ƀiălah păng mâu gĭt ôh! Sŏk klơ bôk hŏ hon nglang jêh, Ƀiălah păng mâu gĭt!

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.