Êsai 42:22 - Nau Brah Ndu Ngơi 2023

²² Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Êsai 42:22 ပူးပေါင်းရင်းမြစ်များ

Nau Mprơ Ơm 102:20

Păng iăt nau phung bu nă nđêng nđor, Jêh ri rklaih phung bu jao jêh ma nau khĭt.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 24:22

Bu mra tâm rgum khân păng Tâm ban ma phung bu nă tâm ntu; Bu krŭng khân păng tâm ndrung ngo. Lah jŏ nar jêh, bu mra rmal khân păng.

Êsai 24:3

Neh mra jêng hŏng lĕ rngôch jêh ri jêng rngol, Yorlah Brah Yêhôva hŏ lah jêh nau nây.

Êsai 36:1

Tâm năm jât ma puăn ngih hađăch Hêsêkia chiă uănh, geh Y-Sênakêrip, hađăch Asiri, hao văch tâm lơh jêh ri pit sŏk ma lĕ rngôch ƀon nâp geh pôih tâm n'gor Yuđa.

Êsai 42:23

Mbu nơm tâm phung khân may rkêng tôr iăt ma nau aơ, Mbu nơm rkêng tôr iăt gay ma gĭt lĕ nau mra tât tâm nar kăndơ̆?

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 45:13

Gâp nơm yơh hŏ ƀư ăn jêh ma nơm nây n'hao tâm nau sŏng srăng, Jêh ri ƀư ma lĕ rngôch trong păng lâng. Păng mra ndâk tay ƀon toyh Gâp, Jêh ri dơi jêng kon me ma phung ƀon lan Gâp tă bơh bu krŭng Ƀiălah mâu kêh rnoh chuai, mâu đŏng ŭch nau nkhôm,” Brah Yêhôva ma phung tahan lah.

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Êsai 51:23

Gâp mra dơm păng tâm ti phung ƀư rêh ni may, Jêng phung lah jêh ma may pô aơ: ‘Lâng bê̆ch hom gay ma hên dơi rgăn!’ Jêh ri ndŭr kơi may jêng tâm ban ma mbon neh, Tâm ban ma trong bu rgăn.”

Êsai 56:9

Ơ lĕ rngôch mpô mpa bri, ơ lĕ rngôch mpa tâm krŏng, Lĕ rngôch văch kăp rvăn hom.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 52:31

Tâm năm rơh pe jât ma pơh rnôk Y-Jêhôjakin hađăch Yuđa jêng bu nă, nây jêng Y-Êvil-Mêrôdak, hađăch Babilôn ntơm chiă uănh, ta nar bar jât ma prăm tâm khay jât ma bar, hađăch aơ yô̆ an ma Y-Jêhôjakin, hađăch Yuđa, jêh ri luh bơh ndrung bu nă.