Êsai 42:20 - Nau Brah Ndu Ngơi 2023

²⁰ May saơ jêh âk nau, ƀiălah mâu mâp klâng rvê ôh; Tôr may pơk jêh, ƀiălah may mâu tăng ôh.”

Êsai 42:20 ပူးပေါင်းရင်းမြစ်များ

Nau Mprơ Ơm 107:43

Ăn bunuyh blau mĭn rkêng tôr iăt lĕ nau aơ, Jêh ri mĭn rvê ma nuih n'hâm ueh Brah Yêhôva.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsai 6:9

Păng lah, “Hăn hom jêh ri lah ma phung ƀon lan aơ: ‘Iăt hom jêh ri thoi đŏng iăt, Ƀiălah khân may mâu mra gĭt rbăng ôh; Uănh hom khân may, Ƀiălah khân may mâu saơ ôh.’

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Êsêkiêl 33:32

Aơ, khân păng uănh may nâm bu du huê nuyh blau mprơ, geh bâr ueh jêh ri blau kreh gong rêng; khân păng iăt nau may lah ƀiălah khân păng mâu tĭng ƀư ôh.

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Mathay 13:13

Yor ri, Gâp ngơi ma khân păng ma nau hôr, yorlah khân păng uănh ƀiălah mâu saơ ôh, rkêng tôr mâu tăng ôh, mâu lĕ gĭt rbăng.

Samƀŭt Pôl Njuăl Ăn Ma Phung Nsing Ta Ƀon Rôm 2:21

pôri mâm ƀư may nti ma bu ƀiălah mâu nti ma may nơm? May nti lah lơi ntŭng, ƀiălah mâm ƀư may ntŭng?

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.